ජනාධිපතිවරයාගේ මඟ පෙන්වීම යටතේ දැනට දිවයින පුරා ක්‍රියාත්මක ‘Clean Sri Lanka’ ජාතික වැඩසටහනට සමගාමීව මෙවර මහ කන්නයේ වී අස්වැන්න රජය විසින් මිලදී ගැනීමේ වැඩසටහනක් ක්‍රියාත්මක කිරීමට නියමිතව තිබෙනවා.
එම වී මිලදී ගැනීමෙන් පසු වී අලෙවි මණ්ඩලය සතු ගබඩා තුළ වී තොග ගබඩා කිරීමට රජය විසින් සැලසුම් කර ඇති බැවින්, ඒ සඳහා අදාළ ගබඩාවන් හා ඒ අවට භූමි ප්‍රදේශ භාවිතයට සුදුසු අයුරින් පිළිසකර කිරීම මෙලෙස යුද්ධ හමුදාවේ ශ්‍රම දායකත්වය තුළින් සිදුකෙරෙනවා.
ඒ අනුව ආරක්ෂක සේනා මූලස්ථානය යාපනය යටතේ ඇති වී ගබඩා සංකීර්ණ තුනක් , ආරක්ෂක සේනා මූලස්ථානය වන්නි යටතේ ඇති වී ගබඩා 10ක්, ආරක්ෂක සේනා මූලස්ථානය නැගෙනහිර බල ප්‍රදේශයේ ඇති වී ගබඩා සංකීර්ණ 3ක් , ආරක්ෂක සේනා මූලස්ථානය බටහිර යටතේ ඇති වී ගබඩා 05ක් සහ ආරක්ෂක සේනා මූලස්ථාන මධ්‍යම බල ප්‍රදේශයට අයත් වී ගබඩා සංකීර්ණ 09ක් සම්පූර්ණයෙන් පිළිසකර කටයුතු අවසන් කිරීමට යුද්ධ හමුදාව කටයුතු කරනු ලැබුවා.
