ත්රිකුණාමලය නගරයේ බුදු පිළිමයක් තැන්පත් කිරීමට උත්සාහ කිරීමේ සිද්ධියට අදාළව අත්අඩංගුවට ගත් බලන්ගොඩ කස්සප ස්වාමීන් වහන්සේ ඇතුළු පුද්ගලයින් 14 දෙනෙකු එළඹෙන ජනවාරි මස 19 වනදා දක්වා රිමාන්ඩ් බන්ධනාගාර ගත කිරීමට ත්රිකුණාමලය පළාත්බද මහාධිකරණය අද (14) නියෝග කළේය. මෙලෙස රිමාන්ඩ් කෙරුණු පිරිස අතර භික්ෂූන් වහන්සේලා සිව්නමක් ද වන බව වාර්තා වේ.
ත්රිකුණාමලය නගර සීමාව තුළ නිසි අවසරයකින් තොරව බුදු පිළිමයක් ස්ථාපනය කිරීමට උත්සාහ කිරීමේදී ඇති වූ නොසන්සුන්කාරී තත්ත්වය පදනම් කරගෙන පොලිසිය මෙම පිරිස අත්අඩංගුවට ගෙන තිබුණි. නීති විරෝධී ලෙස පිළිමයක් තැන්පත් කිරීමට උත්සාහ කිරීම සහ මහජන සාමය කඩවන අයුරින් කටයුතු කිරීම යන චෝදනා සැකකරුවන්ට එරෙහිව එල්ල වී ඇත.
සිද්ධියෙන් පසු ප්රදේශයේ සාමකාමී වාතාවරණය පවත්වාගෙන යාම සඳහා ආරක්ෂක අංශ දැඩි අවධානයෙන් පසුවන අතර, සිද්ධිය සම්බන්ධයෙන් වැඩිදුර විමර්ශන ක්රියාත්මක වේ.
