ශ්රී ලංකාවේ ත්රිපෝෂ නිෂ්පාදනය තාවකාලිකව අත්හිටුවා ඇති බව වාර්තා වනවා
සැප්තැම්බර් 21 වන දින සිට ශ්රී ලංකාවේ ත්රිපෝෂ නිෂ්පාදනය තාවකාලිකව අත්හිටුවා ඇති බවයි එම සංගමයේ සභාපති අමල් අත්තනායක මහතා පවසා සිටියේ.
මෙම අත්හිටුවීමට හේතුව නිෂ්පාදනය සඳහා අවශ්ය බඩ ඉරිඟු නොමැති වීම බව ශ්රී ලංකා ත්රිපෝෂ සමාගම නිවේදනය කර තිබෙනවා.
ත්රිපෝෂ නිෂ්පාදනය සඳහා බඩ ඉරිඟු මෙට්රික් ටොන් 18,000 ක් ආනයනය කිරීමට කැබිනට් අනුමැතිය මීට පෙර ලබා දී තිබුණද, ආනයන හා අපනයන පාලක ජනරාල්වරයා අනුමැතියට සංශෝධනයට ඉදිරිපත් කර තිබුණා.
එම සංශෝධන ඇතුළත් නව කැබිනට් පත්රිකාව ඔක්තෝබර් 07 වන දින කැබිනට් මණ්ඩලයට ඉදිරිපත් කර අනුමැතිය ලැබෙන තෙක් බඩ ඉරිඟු ආනයනය නතර කර ඇති බව අමල් අත්තනායක මහතා තව දුරටත් ප්රකාශ කර තිබෙනවා.
මේ අනුව ත්රිපෝෂ නිෂ්පාදනය තාවකාලිකව අත්හිටුවා ඇති බවත් , ඔක්තෝබර් 7 වන දිනෙන් පසු බඩ ඉරිඟු ආනයනය නැවත ආරම්භ වූ පසු ත්රිපෝෂ නිෂ්පාදනය සාමාන්ය තත්ත්වයට පත්වන බවත් ඔහු ප්රකාශ කර සිටියා.
