රාජගිරිය, කලපලුවාව ප්රදේශයේදී ත්රීරෝද රථ රියදුරෙකුට පහරදුන් බව කියන සිද්ධියක් සම්බන්ධයෙන් අත්අඩංගුවට ගත් නිරූපණ ශිල්පිණී පියුමි හංසමාලිගේ පුත්රයා ඇතුළු සැකකරුවන් හය දෙනෙකු ලබන 16 වනදා දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්රාත් නුවන් කෞශල්යය මහතා අද (11) නියෝග කළේය. වැලිකඩ පොලිසිය විසින් අධිකරණයට ඉදිරිපත් කළ මෙම සැකකරුවන් එදින හඳුනාගැනීමේ පෙරට්ටුවකට ද යොමු කිරීමට නියමිතය.
මීට මාස තුනකට පමණ පෙර රාජගිරිය ප්රදේශයේදී සිදුවූ රිය අනතුරකින් පසුව, එම ස්ථානයට පැමිණි සැකකරුවන් පිරිස ත්රීරෝද රථ රියදුරාට පහරදී ඇති බව මූලික විමර්ශනවලදී අනාවරණය වී ඇත. පහර කෑමට ලක්වූ පුද්ගලයා කොළඹ ජාතික රෝහලේ නේවාසිකව ප්රතිකාර ලබා ඇති අතර ඔහු විසින් වැලිකඩ පොලිසියට කරන ලද පැමිණිල්ලකට අනුව මෙම පිරිස අත්අඩංගුවට ගෙන තිබේ. පොලිසිය විසින් මුහුණු ආවරණය කර අධිකරණයට ඉදිරිපත් කළ සැකකරුවන් සම්බන්ධයෙන් වැඩිදුර විමර්ශන ක්රියාත්මකය.
