තැපැල් සේවකයින් ආරම්භ කළ අඛණ්ඩ වෘත්තීය ක්‍රියාමාර්ගය තෙවන දිනටත් අද (20) දිනයේ ක්‍රියාත්මකයි.
තැපැල් හා විදුලි සංදේශ නිලධාරීන්ගේ සංගමයේ සභාපති ජී.ජී.සී. නිරෝෂණ පවසා සිටියේ අමාත්‍යවරයා සමග සාකච්ඡාවක් ලබා දෙන ලෙසට ඉල්ලා වර්ජනය කරන බවයි.
ඇඟිලි සලකුණු කිරීමේ යන්ත්‍රය ප්‍රතික්ශේෂ කිරීම සම්බන්ධයෙන් එල්ල වන චෝදනා සම්පූර්ණයෙන්ම අසත්‍ය බව ද ජී.ජී.සී. නිරෝෂණ පැවසීය.
කෙසේ වෙතත් වර්ජනයට හේතුව ඇඟිලි සලකුණු කිරීමේ යන්ත්‍රය ක්‍රියාත්මක කිරීම බවයි නියෝජ්‍ය තැපැල්පති චමීශා ද සිල්වා පවසා සිටියේ.
මේ අතර අමාත්‍ය නලින්ද ජයතිස්ස පවසන්නේ ”ඇඟිලි සලකුණු තියන්න අකැමති නම්, වෙන තැනක රස්සාව කරන්න පුළුවන්” යනුවෙනි.
තැපැල් වර්ජකයන්ගේ ඉල්ලීම් දෙකක් වන ඇඟිලි සලකුණු යන්ත්‍ර ඉවත් කිරීම හෝ අතිකාල දීමනා වැඩි කිරීම යන ඉල්ලීම් ඉටු කිරීමට නොහැකි බවත් අමාත්‍යවරයා පැවසීය.
මේ වනවිට තැපැල් සේවකයන්ගේ නිවාඩු අවලංගු කර ඇති නිසා, ඔවුන්ගේ වැටුප් සම්බන්ධයෙන්ද තීරණයක් ගන්නා බව ත් අමාත්‍යවරයා සඳහන් කර සිටියේය.
