තිස්සගෙන් රු.මි. 100ක් ඉල්ලා හරිනි නඩු මගට!
ජාතික ජනබලවේගය පක්ෂය රජයක් පිහිට වූ පසු මහනුවර ඵෙතිහාසික ශ්රී දළදා පෙරහර නවත්වන බවට තමන් ප්රකාශයක් කළැයි පවසමින් සමගි ජනබලවේග පක්ෂයේ පාර්ලිමේන්තු මන්ත්‍රී තිස්ස අත්තනායක මහතා ජනාධිපතිවරණ රැලියකදී කළ අසත්‍ය ප්‍රකාශයකින් සිදුවූ හානියට රුපියල් කෝටි 100ක වන්දියක් අයකර දෙන්නැයි ඉල්ලමින් ජාතික ජනබලවේග පක්ෂයේ පාර්ලිමේන්තු මන්ත්‍රීනී ආචාර්ය හරිනි අමරසූරිය මහත්මිය කොළඹ දිසා අධිකරණයේ නඩුවක් (11දා) ගොනු කළාය.
පාර්ලිමේන්තු මන්ත්‍රී තිස්ස අත්තනායක මහතාගේ එම ද්වේශසහගත අපහාසාත්මක ප්රකාශය හේතුවෙන් දේශපාලනඥයකු ලෙස තමන් ගොඩනගාගෙන සිටින ප්‍රතිරූපයට මෙන්ම කීර්තිනාමයට හානි වූ බව සඳහන් කරන ආචාර්ය හරිනි අමරසූරිය මහත්මිය එම අපහාසාත්මක ප්රකාශය ප්‍රචාරය කිරීමෙන් එහි බලපෑම වඩාත් තීව්ර වූ බවද සඳහන් කරන්නීය.
රුපියල් කෝටි 100ක වන්දියක් අයකර දෙන්නැයි ඉල්ලමින් ජාතික ජනබලවේග පක්ෂයේ පාර්ලිමේන්තු මන්ත්‍රිනී ආචාර්ය හරිනි අමරසූරිය මහත්මිය ගොනු කළ මෙම පෙත්සමේ වගඋත්තරකරුවන් වශයෙන් සමගි ජනබලවේග පක්ෂයේ පාර්ලිමේන්තු මන්ත්‍රී තිස්ස අත්තනායක මහතා සහ ප්‍රසිද්ධ රූපවාහිනී සමාගමක් නම් කර ඇත.
නීතිඥ ශානිකා සිල්වා මෙනවිය මගින් සිය පෙත්සම ගොනු කරන පාර්ලිමේන්තු මන්ත්‍රිනී ආචාර්ය හරිනි අමරසූරිය මහත්මිය මාවනැල්ල ප්‍රදේශයේ පසුගිය අගොස්තු 18වැනිදා පැවැති සමගි ජනබලවේගය පක්ෂයේ දේශපාලන රැස්වීමක් වගඋත්තරකාර තිස්ස අත්තනායක මහතා අමතමින් ජාතික ජනබලවේගය පක්ෂය රජයක් පිහිට වූ පසු මහනුවර ඵෙතිහාසික ශ්රී දළදා පෙරහර නවත්වන බවට තමන් ප්රකාශයක් කළැයි පවසා ඇතැයිද එය අසත්‍ය මෙන්ම ද්වේශසහගත ප්රකාශයක් යැයිද සඳහන් කරන්නීය.
තිස්ස අත්තනායක මහතා කළ එම ද්වේශසහගත අසත්‍ය ප්රකාශය කළේ මහනුවර ඵෙතිහාසික ශ්රී දළදා පෙරහර පවත්වන සමයේදී බවත් එම ද්වේශසහගත අසත්‍ය ප්රකාශය එක්තරා ප්‍රසිද්ධ රූපවාහිනී සමාගමක් සිය ප්‍රමුඛ පුවත ලෙස මෙන්ම පසුදින එම නාලිකාවේම පත්තර විස්තර වැඩසටහන මගින් යළි ප්‍රමුඛතාවයක් දී ප්‍රචාරයක් කළ බවත් සඳහන් කරන ආචාර්ය හරිනි අමරසූරිය මහත්මිය පසුව සමාජ මාධ්‍ය හරහාද එම ද්වේශසහගත අසත්‍ය ප්රකාශය ප්‍රචාරය කළ බවද සඳහන් කරන්නීය.
ද්වේශසහගත අසත්‍ය ප්රකාශය ප්‍රචාරය කිරීම හේතුවෙන් රටේ සමස්ත බෞද්ධ පොදු ජනතාව ඉදිරියේ තමන් අවමානයට, අපවාදයට, ලැජ්ජාවට හා පිළිකුලට ලක්වූ බවත් සඳහන් කරන ආචාර්ය හරිනි අමරසූරිය මහත්මිය, තිස්ස අත්තනායක මහතා කළ එම ද්වේශසහගත අසත්‍ය ප්රකාශය කිරීමෙන් හා අදාළ ප්‍රසිද්ධ රූපවාහිනී සමාගම විසින් එය ප්‍රචාරය කිරීමෙන් සිය අභිමානයට හා කීර්තියට හානි වූ බවද සඳහන් කරන්නීය.
එම ද්වේශසහගත අසත්‍ය ප්රකාශය කිරීමෙන් හා එය ප්‍රචාරය කිරීමෙන් තමන්ට වූ හානිය වෙනුවෙන් රුපියල් කෝටි 10ක වන්දියක් අයකර දෙන්නැයි ආචාර්ය හරිනි අමරසූරිය මහත්මිය ඉල්ලා සිටින්නීය.
[ADA]
