ඉන්දියාවේ පැවති සිවුවන දකුණු ආසියානු මලල ක්‍රීඩා තරගාවලියට එක්වෙමින් එහි අනුශූරතාව හිමිකරගත් ශ්‍රී ලංකා කණ්ඩායම අද අලුයම දිවයිනට පැමිණියා.
ශ්‍රී ලාංකික ක්‍රීඩක ක්‍රීඩිකාවන් රන් පදක්කම් 16ක් , රිදී පදක්කම් 14ක් සහ ලෝකඩ පදක්කම් 10ක් හිමි කරගෙන තිබෙනවා.
ඔවුන් ලබා ගත් සමස්ත පදක්කම් සංඛ්‍යාව 40ක්.
සමස්ත තරගාවලියේ අනුශූරතාවය හිමි කර ගැනීමට ශ්‍රී ලාංකික ක්‍රීඩක ක්‍රීඩිකාවන්ට හැකිවුනේ ඒ අනුවයි.
ශ්‍රී ලාංකික ක්‍රීඩිකා ශෆියා යමික්ට දකුණු ආසියානු මළළ ක්‍රීඩා තරගාවලියේදී රන් පදක්කම් ත්‍රිත්වයක් දිනාගැනීමට හැකිවීම විශේෂත්වයක්.
ඇය මීටර් 100 ,100×4 සහ මීටර් 200 ඉසවූ ත්‍රිත්වයෙන්ම රන් පදක්කම් දිනා ගැනීමට සමත් වූණා.
ඇය දකුණු ආසියාවේ වේගවත්ම කාන්තාව බවට පත් වීමට ද වරම් හිමිකර ගත්තා.
දකුණු ආසියාවේ වේගවත්ම පුද්ගලයා බවට පත් වුණේ චමෝද් යෝධසිංහ.
මේ අතර තරගාවලියේ දක්ෂතම ක්‍රිඩකයා ලෙස ශ්‍රී ලංකාවේ රුමේෂ් තරංග සම්මානයට පාත්‍ර වුණා.
සිවුවන දකුණු ආසියානු මලල ක්‍රීඩා තරගාවලියේ පළමු ස්ථානයාට පත් වීමට හැකියාව ලබා ගත්තේ ඉන්දියාවයි.
ඒ සමස්ත පදක්කම් 58ක් හිමි කර ගනිමින්.
එහි තුන්වන ස්ථානය හිමිකර ගැනීමට නේපාලය සමත් වුණා.
ඔවුන්ට ලබා ගැනීමට හැකි වුණේ පදක්කම් 06ක් පමණයි.
මෙරටට පැමිණි ශ්‍රී ලංකා කණ්ඩායම පිළිගැනීම සඳහා ක්‍රීඩා අමාත්‍ය සුනිල් කුමාර ගමගේ මහතා ඇතුළු පිරිසක් කටුනායක අන්තර්ජාතික ගුවන්තොටුපොළ වෙත පැමිණ සිටියා.
