දඹුල්ල – කුරුණෑගල ප්රධාන මාර්ගයේ, ගලේවෙල එස් වංගුව ප්රදේශයේදී අද (11) අලුයම සිදු වූ රිය අනතුරකින් 38 හැවිරිදි පුද්ගලයෙකු මියගොස් තිබේ. දඹුල්ල දෙසට ධාවනය වෙමින් තිබූ අත් ට්රැක්ටරයක, ඊට පිටුපසින් පැමිණි කැබ් රථයක් වේගයෙන් ගැටීමෙන් මෙම අනතුර සිදුව ඇත.
අනතුරින් ජීවිතක්ෂයට පත්ව ඇත්තේ දඹුල්ල, අතුපාර යාය ප්රදේශයේ පදිංචිව සිටි එක්දරු පියෙකි. කැබ් රථයේ වේගය පාලනය කරගත නොහැකි වීම අනතුරට හේතුවන්නට ඇතැයි පොලිසිය සැක පළ කරයි. සිද්ධිය සම්බන්ධයෙන් ගලේවෙල පොලිසිය වැඩිදුර විමර්ශන පවත්වන අතර, කැබ් රථයේ රියදුරු සම්බන්ධයෙන් නීතිමය පියවර ගැනීමට නියමිතය.
