2024 ලංකා ප්රිමියර් ලීග් (LPL) ක්රිකට් තරගාවලිය අතරතුර ක්රීඩකයෙකු තරග පාවාදීමට පෙළඹවීමේ චෝදනාවට වරදකරු වූ දඹුල්ල තණ්ඩර්ස් කණ්ඩායමේ හිමිකරු තමීම් රහ්මාන් හට කොළඹ මහාධිකරණය අද (28) දඬුවම් නියම කළේය.
තමීම් රහ්මාන් විසින් තමන්ට එල්ල වී තිබූ චෝදනා අධිකරණය හමුවේ පිළිගැනීමෙන් අනතුරුව, ඔහුට රුපියල් මිලියන 24ක දඩයක් ගෙවන ලෙස නියෝග කෙරිණි.
මීට අමතරව ඔහුට වසර 4ක සිරදඬුවමක් නියම කළ අධිකරණය, එම දඬුවම වසර 5ක කාලයකට අත්හිටුවීමට ද තීරණය කළ බව අද දෙරණ වාර්තාකරු සඳහන් කළේය.
ක්රීඩාවට අදාළ වැරදි වැළැක්වීමේ පනත යටතේ ලංකා ප්රිමියර් ලීග් තරගාවලියක් සම්බන්ධයෙන් කණ්ඩායම් හිමිකරුවෙකුට මෙවැනි දඬුවමක් නියම වූ පළමු අවස්ථාව මෙය ලෙස සැලකේ.
