දිවයිනේ සියලු රෝහල් ඉදිරිපිට අද (27) දින පැයක කාලයක් විරෝධතාවයක නිරත වන බව රජයේ හෙද නිලධාරීන්ගේ සංගමය පවසා තිබේ.
එම සංගමයේ උප සභාපති නාලක හෙට්ටිආරච්චි සඳහන් කර සිටියේ අද දහවල් 12.00 සිට 1.00 දක්වා දහවල් කෑම පැය තුළ එම විරෝධතාවයේ නිරත වන බවය.
රජයේ හෙද නිලධාරීන්ගේ සංගමය වැඩිදුරටත් ප්‍රකාශ කර සිටියේ අත්තනෝමතික ලෙස මෙවර අයවැය මඟින් දීමනා කප්පාදු කිරීමට විරෝධය පළකරමින් මෙම විරෝධතාවය පවත්වන බවයි
