ධුරයේ කටයුතු කිරීම අත්හිටවනු ලැබූ පොලිස්පති දේශබන්දු තෙන්නකෝන් මහතා එම ධුරයෙන් නෙරපීම සඳහා ඔහු පිළිබඳ විමර්ශනය කිරීමට පත්කළ පාර්ලිමේන්තු පරීක්ෂණ කමිටුව නිර්දේශ කර ඇතැයි කථානායක වෛද්‍ය ජගත් වික්‍රමරත්න මහතා අද (22) පාර්ලිමේන්තුවට දැනුම් දී තිබෙනවා.
ඒ අනුව දේශබන්දු තෙන්නකෝන් මහතා පොලිස්පති ධුරයෙන් ඉවත් කිරීමට සුදුසු බව අදාළ කමිටුව ඒකමතිකව නිර්දේශ කර තිබෙනවා.
පොලිස්පති ධුරයේ බලතල අනිසි ලෙස යොදා ගැනිම සහ විශමාචාර සම්බන්ධයෙන් දේශබන්දු තෙන්නකෝන් මහතාට එරෙහිව චෝදනා එල්ල වී ඇති අතර ඔහු එම ධුරයයෙන් ඉවත් කිරීම සදහා පරීක්ෂණ කමිටුවක් පත් කිරිමේ යෝජනාව පසුගිය අප්‍රේල් 08 වෙනිදා පාර්ලිමේන්තුවේ දී සම්මත වුණා.
