තමන්ට විරුද්ධව වැඩිම නඩු ප්‍රමාණයක් පවරා ඇත්තේ රනිල් වික්‍රමසිංහ ආණ්ඩුව යටතේ බව නාමල් රාජපක්ෂ පවසා සිටියි
රනිල් වික්‍රමසිංහ පාලනය යටතේ රාජපක්ෂවරුන් ආරක්ෂා කිරීමක් සිදු නොවූ බවත් තමන්ට එරෙහිව නඩු පැවරිමේ මහා මොලකරු රනිල් වික්‍රමසිංහ බවත් ද අධිකරණයට මගින් තමන් නිදොස් කොට නිදහස් කළ බව ද ඔහු පැවසිය.
කෙසේ වුව ද අද රනිල් වික්‍රමසිංහ ජාත්‍යන්තර මාධ්‍යයට ගොස් රට පවා නොදීම ගැන තමන් සතුටු වන බව ද නාමල් රාජපක්ෂ සඳහන් කර සිටියි.
ඔහු අවධාරණය කර සිටියේ හිටපු රාජ්‍ය නායකයන් ශ්‍රී ලංකා හමුදාව යුද අපරාධ කළේ යැයි ජාත්‍යන්තරයට ගොස් පිළිගතහොත් කඩා වැටෙන්නේ මහින්ද හෝ රනිල් හෝ නොව සමස්ථ ශ්‍රී ලංකාවම බවත් අප රාජ්‍යය රැකගත යුතු බවත්ය.
වර්තමාන ආණ්ඩුව පාතාළය හෝ ත්‍රස්තවාදය හෝ පාලනය සඳහා ගනු ලබන ක්‍රියාමාර්ගවල දී තමන් විපක්ෂයේ සිටිය ද රාජ්‍යය සහ ආණ්ඩුව ආරක්ෂා කිරීමට කටයුතු කරන බවත් පිලිපීන නායකයන් මෙන් මේ රටේ නායකයන් ජාත්‍යන්තර අධිකරණවලට යැවීමට තමන් ඉඩ නොතබන බව ද නාමල් රාජපක්ෂ ප්‍රකාශ කරයි.
