පොළොන්නරුව අරලිය හෝටලය ඇත්තේ පරාක්‍රම සමුද්‍රය රක්ෂිතයේ නොවන බව කෘෂිකර්ම ඇමති කේඩී ලාල් කාන්ත මහතා පවසා සිටිනවා.
ඩඩ්ලි සිරිසේන මහතාගේ හෝටලය වුවද වැටක් හෝ රක්ෂිත සීමාවේ තිබේ නම් එය ඔහු විසින්ම ඉවත් කර ගනු ඇති බවද ඔහු පැවසුවා.
මාධ්‍යවේදීන් ඇසු පැනයකට පිලිතුරු දුන් ලාල් කාන්ත මහතා මෙලෙස පවසා සිටියා.
අපි අයින් කරන්නේ වැව ඇතුළෙ තියෙන ඒවනෙ. ඩඩ්ලිගේ වුණත් වැටක් හරි ඇතුළෙ තියෙනව නම් ඒක එතුමා අයින් කර ගනියි. අපි අයින් කරන්න දෙයක් නෑ. අරලිය හෝටලේ තියෙන්නේ වැවේ රක්ෂිතයේ නෙවෙයි. එතකොට ඒකේ අයින් කරන්න දෙයක් නැ. අභියෝග කරනවානේ පුලුවන් නම් අයින් කරන්න කියලා.
‘නැති බම්බුවක් කොහොමද අයින් කරන්නේ’ යැයි ඔහු මාධ්‍යවේදීන්ගෙන් විමසීය.
