ලොව පුරා ප්‍රකට චොක්ලට් සන්නාමයක් වන නියුටෙලා හි (Nutella) නිමැවුම්කරු ලෙස සැළකෙන ඉතාලි ජාතික රසායන විද්‍යාඥ ෆ්‍රැන්චෙස්කෝ රිවේලා මියගොස් තිබේ.
ඉතාලි මාධ්‍ය විසින් නූටෙල්ලා හි “පියා” ලෙස හඳුන්වනු ලැබූ රිවෙල්ලා, ලොව ප්‍රසිද්ධම හෙසල්නට් ව්‍යාප්තිය නිර්මාණය කිරීමට දායක විය.
වැලන්ටයින් දිනයේදී මිය ගිය ඔහු 97 වන වියේ පසුවිය.
රිවේලා 1952 දී ඉතාලි චොකලට් සහ රසකැවිලි සමාගමක් වන Ferrero හි සේවය කිරීම ආරම්භ කර තිබේ.
ඒ, Nutella ලෝකයට හඳුන්වාදීමට වසර 12 කට පෙරදීය.
ඔහු Ferrero හි සේවය කරන සමයේදී කැපී පෙනෙන නිර්මාණ කිහිපයක් බිහි කළ බව සඳහන් වේ.
පරිපූර්ණ රසයක් නිපැදවීම සඳහා අමුද්‍රව්‍ය මිශ්‍ර කිරීම, පිරිපහදු කිරීම, රස බැලීමෙන් නව නිෂ්පාදන සංවර්ධනය කිරීම, අමුද්‍රව්‍ය අධ්‍යයනය කිරීම වැනි රාජකාරි සඳහා ඔහු එහිදි වඩාත් කැපවීමෙන් සේවය කළ බව ද සඳහන් වේ.
වර්ථමානයේ ඇති Nutella හි වට්ටෝරුව නිවැරදි රසයට ගැනීමට ඔවුන්ට දශකයකට වැඩි කාලයක් ගතවූ බවද වාර්තාවේ.
