2025 පළාත් පාලන මැතිවරණයේදී රත්නපුර දිස්ත්‍රික්කයේ පළාත් පාලන ආයතන සඳහා ජාතික නිදහස් පෙරමුණින් “පංචායුධය” ලකුණින් තරග වදින අපේක්ෂකයන්ගේ ජය තහවුරු කිරීම සඳහා ගෘහස්ථ ජනහමු කිහිපයක් පැවැත්විනි.
ඒ සඳහා ජාතික නිදහස් පෙරමුණේ නායක විමල් වීරවංශ මහතා ඊයේ (9) සහභාගි වෙමින් ජනතාව අමතා, ඔවුන් දැනුවත්කොට ඉදිරිපත්ව සිටින අපේක්ෂකයින්ට ජයග්‍රහණය සඳහා සිය සුබ පැතුම් එක් කළේය.
මෙහිදී ඇඹිලිපිටිය නගර සභාව සඳහා තරඟ වදින අපේක්ෂකයින්ගේ ජය තහවුරු කරන රැස්වීමක් ඇඹිලිපිටිය නව නගරයේදීත්, ඇඹිලිපිටිය ප්‍රාදේශීය සභාව සඳහා තරග කරන අපේක්ෂකයින්ගේ ජය තහවුරු කරන රැස්වීම් කිහිපයක් ජදුර සහ උඩවලව ප්‍රදේශවලදීත් පැවැත්විය.
