එළඹෙන සිංහල හින්දු අලුත් අවුරුද්දට පසු සුදුසු දිනයක පළාත් පාලන මැතිවරණය පවත්වන ලෙස සමගි ජන බලවේගයේ මහලේකම් රන්ජිත් මද්දුමබණ්ඩාර මහතා පවසයි.
ඔහු මේ බව කියා සිටියේ පළාත් පාලන මැතිවරණය පිළිබඳව ලියාපදිංචි පක්ෂ 13ක් එක්ව අත්සන් කළ ලිපියක් මැතිවරණ කොමිසම වෙත බාරදීමෙන් අනතුරුවය.
පළාත් පාලන ආයතන ඡන්ද විමසීම් සංශෝදන පනත් කෙටුම් පතට අදාළව ශේෂ්ඨාධිකරණ තීන්දුව දැනුම් දීම සඳහා පාර්ලිමේන්තුවේ විශේෂ රැස්වීමක් හෙට (14) කැඳවීමට නියමිතයි.
ඒ අනුව හෙට පෙරවරු 9.30ට පාර්ලිමේන්තු සභා වාරය ආරම්භ විමට නියමිතව තිබෙන අතර මීට අදාළ විවාදය ලබන සඳුදා (17) පාර්ලිමේන්තුවේදී විවාදයට ගැනීමට නියමිතය.
පළාත් පාලන ඡන්ද විමසීම කඩිනමින් පවත්වන ලෙස ශේෂ්ඨාධිකරණය විසින් නියෝග කර ඇති පසුබිමක ඊට ගරු කිරීමක් ලෙස මැතිවරණය තව දුරටත් ප්‍රමාදයකින් තොරව පැවැත්වීමේ අවශ්‍යතාව සභානායකවරයා විසින් මෙහිදී පෙන්වා දී තිබේ.
එහිදී පාර්ලිමේන්තුවේ ස්ථාවර නියෝගවලට අනුව අග්‍රාමාත්‍යවරිය විසින් කතානායකවරයාගෙන් කල ඉල්ලීමක් අනුව හෙට දින මෙම විශේෂ රැස්වීම සිදුකෙරෙනු ලබයි.
අනුව අදාළ පනත් කෙටුම්පත සලකා බැලීම සඳහා අමාත්‍යංශ උපදේශක කාරක සභාවද හෙට රැස්වීමට නියමිතව ඇත.
