ආගමන හා විගමන දෙපාර්තමේන්තුව විසින් විදේශ ගමන් බලපත්‍ර නිකුත් කිරීමේ ක්‍රියාවලිය වේගවත් කිරීම සඳහා නව එක්දින සේවයක් ආරම්භ කර තිබේ.
මෙම සේවය යටතේ, විදේශ ගමන් බලපත්‍ර සඳහා ඉල්ලුම් කරන අයට පැය 24 ඇතුළත සේවාව ලබා දීමට දෙපාර්තමේන්තුව සූදානම් වී ඇත.
මෙම සේවය සඳහා ලියාපදිංචි වීම සතියේ සෑම සඳුදා දිනකම පෙරවරු 6 සිට සිකුරාදා මධ්‍යහ්න 12 වන තෙක් පමණක් සිදු කරනු ලැබේ.
මෙම කාලසීමාව තුළ ලියාපදිංචි වූ අයගේ ඉල්ලුම් පැය 24 ඇතුළත සම්පූර්ණ කිරීමට දෙපාර්තමේන්තුව බලාපොරොත්තු වන බවද පවසා තිබේ.
මෙම නව සේවාව පිළිබඳව ආගමන හා විගමන දෙපාර්තමේන්තුවේ වැඩබලන ආගමන විගමන පාලක ජනරාල් බී.එම්.ඩී. නිලුෂා බාලසුරිය මහත්මිය ප්‍රකාශ කළාය.
ඇය පවසා සිටියේ මෙම පියවර ගමන් බලපත්‍ර සඳහා ඉල්ලුම් කරන ජනතාවගේ පහසුව ඉහළ නැංවීම සඳහා ගත් පියවරක් බවයි.
