තමන්ගේ ආරක්ෂාව තමන් සපයා ගැනිම අතිශ්‍ය වැදගත් බව රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා පවසයි.
එළඹෙන පොසොන් පොහොය නිමිති කරගනිමින් ජනතාව දැනුවත් කිරීම ට මෙම වෛද්‍ය මාධ්‍ය සාකච්ඡාව පවත්වා ඇති අතර හෙතෙම වැඩිදුරටත් පවසා සිටියේ ,
වේගයෙන් රිය ධාවනය කිරීම, බීමත්ව හෝ විෂ ද්‍රව්‍ය අරගෙන රිය ධාවනය කිරීම වැනි දැ වලින් වැළකෙන්න. ඒ වගේම නිදිමත එනවා නම් මහන්සි නම් තව කෙනෙක්ට වාහනය දෙන්න. නැත්නම් මද වේලාවක් වාහනය තුළ රැදී සිටින්න. තප්පර ගානක් ඇති ඔබ ට හෝ ඔබගෙන් වෙනත් අයෙකුට අනතුරක් සිද්ද වෙන්න.
ඒ නිසා මේ තමන්ගේ සෞඛ්‍යාරක්ෂාව තමන්ගේ ආත්ම ආරක්ෂාව සම්බන්ධයෙන් වැඩි අවධානයක්
ලබා දෙන්න. දන්සල් සංවිධානය කරන කණ්ඩායම් වලින් අපි බොහොම ගෞරවනීය ඉල්ලීමක් කරනවා. ඔබ කරන්නේ සමාජ වගකීමක්. ඔබ මේ ආහාර පාන නිෂ්පාදනය කිරීමේදී පිසීමේදී වගේම ආහාරපාන ජනතාවට ලබාදීමේදී පිරිසිදුකම සහ සෞඛ්‍ය ආරක්ෂාව සම්බන්ධයෙන් සැලකිලිමත් වීම අතිශයින් වැදගත්.
රටක් ලෙස පොසොන් පොහොය සමරන අවස්තාවේ දී තමන් ආගමික වතාවත් වල නිරත වන අතර තුර දී ජනතාව විදිහට තමන්ගේ සෞඛ්‍ය ආරක්ෂාව සම්බන්ධයෙන් සැලකිලිමත් වෙන්න. ඒ වගේම ඒ සම්බන්දයෙන් අවශ්‍ය සම්පූර්ණ සහය සෞඛ්‍ය අංශවලට ලබා දෙන ලෙසත් ඉල්ලා සිටිනවා.
