ලිබියාවේ හිටපු නායක කර්නල් මුඅම්මර් ගඩාෆිගේ දියණිය වන අයිෂා ගඩාෆි විසින් ඉරාන ජනතාව වෙත යොමු කරන ලදැයි කියන විශේෂ පණිවිඩයක් ජාත්යන්තර අවධානයට ලක්ව තිබේ. බටහිර රටවල බොරු පොරොන්දුවලට හසු වී සිය රට විනාශ කරගත් කාන්තාවකගේ හඬ ලෙස ඇය මෙම පණිවිඩය හරහා ඉරාන වැසියන්ට දැඩි අනතුරු ඇඟවීමක් සිදු කරයි.
ලිබියාව අද පත්ව ඇති අභාග්යසම්පන්න තත්ත්වයට මූලික හේතුව බටහිර අධිරාජ්යවාදීන්ගේ රැවටිලිකාර වචන බව ඇය පෙන්වා දෙයි. “මගේ පියාට එදා පැවසුවේ න්යෂ්ටික සහ මිසයිල වැඩසටහන් අත්හළහොත් ලෝකයේ දොරටු විවෘත වන බවයි. ඔහු එය විශ්වාස කළ නමුත් අවසානයේ නේටෝ බෝම්බ අපේ දේශය සුන්බුන් බවට පත් කළා,” යැයි ඇය සිය පණිවිඩයේ සඳහන් කර ඇත.
ඉරානයට පනවා ඇති සම්බාධක සහ ආර්ථික යුද්ධය හමුවේ එරට ජනතාව පෙන්වන ධෛර්යය ඇයගේ පැසසුමට ලක්ව තිබේ. සතුරාට සහන ලබා දීමෙන් විනාශය සහ බෙදීම මිස සාමය උදා නොවන බවත්, එය “වෘකයෙකු සමඟ සාකච්ඡා කර බැටළුවන් බේරා ගැනීමට උත්සාහ කිරීමක්” බඳු බවත් ඇය අවධාරණය කරයි.
කියුබාව, වෙනිසියුලාව, උතුරු කොරියාව සහ පලස්තීනය වැනි රටවල් බටහිර බලපෑම් හමුවේ නොසැලී සිටීම නිසා ඔවුන් ඉතිහාසයේ අමරණීය වී ඇති බවත්, යටත් වූ ජාතීන් අළු බවට පත් වී ඇති බවත් අයිෂා ගඩාෆි පවසයි.
මෙම පණිවිඩය අවසන් කර ඇත්තේ ඉරාන ප්රතිරෝධයට සහ පලස්තීන සහයෝගීතාවයට ආචාර කරමිනි. ඉරානය සහ ඊශ්රායලය අතර යුදමය තත්ත්වයක් උද්ගත වී ඇති මොහොතක, ගඩාෆි දියණියගේ මෙම පණිවිඩය කලාපීය දේශපාලනය තුළ දැඩි කතාබහට ලක්වෙමින් පවතී.
