ශ්රී ලංකා බන්ධනාගාර දෙපාර්තමේන්තුවේ නව වැඩබලන කොමසාරිස් ජනරාල්වරයා වශයෙන් ප්රසාද් හේමන්ත කුමාර මහතා පත් කර තිබෙනවා. දීර්ඝ කාලයක සිට බන්ධනාගාර දෙපාර්තමේන්තුව තුළ විවිධ තනතුරු හොබවමින් අතිශය පුළුල් අත්දැකීම් සම්භාරයක් අත්පත් කරගෙන සිටින ඒ මහතා ක්ෂේත්රයේ ප්රමුඛතම ජ්යෙෂ්ඨ නිලධාරියෙකු ලෙස කාගේත් ගෞරවයට පාත්ර වූවෙක්. මෙම නව තනතුරට පත්වීමට පෙර ඔහු අතිරේක බන්ධනාගාර කොමසාරිස් ජනරාල්වරයා ලෙසද ඉතා සාර්ථකව රාජකාරි කටයුතු මෙහෙයවමින් දෙපාර්තමේන්තුවේ පරිපාලන ව්යුහය ශක්තිමත් කිරීමට සුවිශේෂී දායකත්වයක් ලබා දී තිබෙනවා. ආයතන පද්ධතිය පිළිබඳව ඔහු සතු මනා අවබෝධයත්, වසර ගණනාවක ප්රායෝගික සේවා පළපුරුද්දත් හේතුවෙන් බන්ධනාගාර ක්ෂේත්රයේ ඉදිරි සංවර්ධන කටයුතු සහ ප්රතිසංස්කරණ වඩාත් කාර්යක්ෂමව හා විධිමත්ව ඉදිරියට ගෙනයාමට මෙම නව පත්වීම මහඟු පිටිවහලක් වනු ඇතැයි බොහෝ දෙනා අපේක්ෂා කරනවා.
