ත්රිකුණාමලයේ බුදුපිළිමයක් ස්ථාපනය කිරීමේ සිද්ධියට අදාළව තමන් වහන්සේව රක්ෂිත බන්ධනාගාරගත කිරීමට නිකුත් කර ඇති නියෝගය බල රහිත කරන ලෙස ඉල්ලා පූජ්ය බලන්ගොඩ කස්සප හිමියන් සහ ත්රිකුණාමලයේ කල්යාණවංශ තිස්ස හිමියන් ඉදිරිපත් කළ රිට් පෙත්සමේ නියෝගය ප්රකාශ කිරීම අභියාචනාධිකරණය විසින් ලබන පෙබරවාරි 03 වැනිදා දක්වා කල් තබන ලදී.
මෙම නියෝගය අද (30) අභියාචනාධිකරණයේ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දු යන මහත්වරුන්ගෙන් සමන්විත විනිසුරු මඩුල්ල හමුවේ ප්රකාශයට පත් කිරීමට නියමිතව තිබුණි.
කෙසේ වෙතත්, අදාළ නඩු නියෝගය මෙතෙක් සූදානම් නොමැති බව සභාපති විනිසුරුවරයා විවෘත අධිකරණයේදී නිවේදනය කළේය. ඒ අනුව ලබන අඟහරුවාදා (03) දින නියෝගය ප්රකාශයට පත් කිරීමට දින නියම වූ අතර, ඊට පෙර නියෝගය සකස් කර ගැනීමට හැකි වුවහොත් ලබන සඳුදා දිනයේදී වුවද එය ප්රකාශයට පත් කරන බවත්, ඒ පිළිබඳව අදාළ පාර්ශ්වකරුවන් දැනුවත් කරන බවත් විනිසුරුවරයා වැඩිදුරටත් සඳහන් කළේය.
