සුපිරි පොප් ගායන තරුවක වන බ්රිට්නි ස්පියර්ස් බීමත්ව සහ මත්ද්රව්ය පානය කර රිය පැදවීමේ චෝදනාව මත කැලිෆෝනියාවේදී පොලිස් අත්අඩංගුවට පත්ව තිබේ. කැලිෆෝනියා අධිවේගී මාර්ග මුර සංචාරක පොලිසිය පවසන්නේ ඇය සිය BMW රථය අධික වේගයෙන් සහ අන්තරායකර ලෙස පදවා ඇති බවයි. අත්අඩංගුවට ගන්නා අවස්ථාවේදී ඇය මත්වී සිටි බවට ලක්ෂණ පෙන්නුම් කළ බවත්, ඒ අනුව සිදු කළ පරීක්ෂණවලින් පසු ඇයව රඳවා තබා ගත් බවත් වාර්තා වේ.
පසුව ඇයව ඇප මත මුදා හැර ඇති අතර, මැයි 4 වැනිදා අධිකරණය හමුවේ පෙනී සිටීමට නියමිතය. මෙම සිදුවීම සම්බන්ධයෙන් අදහස් දක්වමින් ඇයගේ නියෝජිතයෙකු බීබීසී පුවත් සේවයට පවසා ඇත්තේ මෙය කිසිසේත් නිදහසට කරුණක් ඉදිරිපත් කළ නොහැකි අවාසනාවන්ත සිදුවීමක් බවයි. බ්රිට්නිගේ යහපත වෙනුවෙන් ඇයගේ පවුලේ පිරිස ඉදිරියේදී අවශ්ය සහයෝගය ලබා දීමට සැලසුම් කර ඇති බව ද එහිදී ප්රකාශ විය. වසර 13ක් පුරා සිය පියාගේ දැඩි පාලනය යටතේ සිට නිදහස ලැබූ බ්රිට්නි, මෑතකදී සංගීත ක්ෂේත්රයෙන් සමුගන්නා බව ද පවසා තිබුණි.
