බ්රිතාන්ය දේශපාලනය තුළ දැඩි කැළඹීමක් ඇති කරමින්, අග්රාමාත්ය කීර් ස්ටාර්මර්ගේ ප්රධාන නිලධාරීන් දෙදෙනෙකු වන සන්නිවේදන විධායක අධ්යක්ෂ ටිම් ඇලන් සහ කාර්ය මණ්ඩල ප්රධානී මෝගන් මැක්ස්වීනි සිය ධුරවලින් ඉල්ලා අස්වී තිබේ. මෙම ඉල්ලා අස්වීම්වලට සෘජුවම බලපා ඇත්තේ, බ්රිතාන්යයේ හිටපු ඇමරිකානු තානාපතිවරයෙකු වන ලෝඩ් මැන්ඩෙල්සන් සම්බන්ධ ආන්දෝලනාත්මක පුවතක් වන “එප්ස්ටයින් ලිපිගොනු” යි.
මෑතකදී ප්රසිද්ධියට පත් වූ මෙම ලිපිගොනු මගින් හෙළිදරව් වී ඇත්තේ, ලෝඩ් මැන්ඩෙල්සන් සහ ලිංගික අපරාධකරුවෙකු වූ ජෙෆ්රි එප්ස්ටයින් අතර සමීප සබඳතාවක් පැවති බවයි. මැන්ඩෙල්සන්ගේ මෙම අපකීර්තිමත් සබඳතා පිළිබඳව දැනුවත්ව සිටියදී පවා, ඔහුව තානාපති ධුරයට පත් කිරීමට උපදෙස් දීම සම්බන්ධයෙන් කාර්ය මණ්ඩල ප්රධානී මෝගන් මැක්ස්වීනි වගකීම භාර ගනිමින් ඉල්ලා අස්වී ඇති බව සඳහන් වේ.
තවද, මැන්ඩෙල්සන් බ්රිතාන්ය රජයේ අමාත්යවරයෙකු ලෙස කටයුතු කළ සමයේ, වෙළඳපොළට බලපාන සංවේදී රාජ්ය තොරතුරු එප්ස්ටයින් වෙත ලබා දුන් බවට ද චෝදනා එල්ල වී තිබූ බව වාර්තා වේ.
