මත්ද්රව්ය ජාවාරම් සහ මිනිස් ජාවාරම් ඇතුළු චෝදනා රැසක් සම්බන්ධයෙන් ශ්රී ටෙලෝ (Sri TELO) පක්ෂයේ නායක පී. උදයරාසා ඊයේ (07) යාපනයේදී අත්අඩංගුවට ගෙන තිබේ. වවුනියාවේ පදිංචිකරුවෙකු වන ඔහු, මීට පෙර අවස්ථා කිහිපයකදීම එම පක්ෂයෙන් පාර්ලිමේන්තු මැතිවරණ සඳහා තරග කළ අයෙකි. පාතාල කල්ලි නායක “ගණේමුල්ලේ සංජීව” ඝාතන සිද්ධියට අදාළව නේපාලයේදී අත්අඩංගුවට ගෙන මෙරටට රැගෙන ආ ඉෂාරා සෙව්වන්දි නමැති සැකකාරියගෙන් සිදුකළ ප්රශ්න කිරීම්වලදී මොහුගේ නම අනාවරණය වීමත් සමඟ මෙම අත්අඩංගුවට ගැනීම සිදු කර ඇත.
දැනට මත්ද්රව්ය නාශක අංශයේ රැකවරණය යටතේ පසුවන ඔහුගෙන් මත්ද්රව්ය ජාවාරම්වලට අමතරව ස්ත්රී දූෂණ, ඉඩම් වංචා සහ මූල්ය වංචා සම්බන්ධයෙන් ද දීර්ඝ ලෙස ප්රශ්න කරමින් පවතින බව වාර්තා වේ. මීට පෙර ද වවුනියාව ප්රදේශයේ සිදුවූ මහා පරිමාණ ඉඩම් වංචාවක් සම්බන්ධයෙන් ඔහුට එරෙහිව අධිකරණයේ නඩුවක් පවතින අතර, මෙම නවතම අත්අඩංගුවට ගැනීම සංවිධානාත්මක අපරාධ මැඩලීමේ මෙහෙයුම්වල තීරණාත්මක පියවරක් ලෙස පොලිසිය සලකයි.
