මධ්යධරණී මුහුදේ ලිබියාව සහ මෝල්ටාව අතර ප්රදේශයේදී රුසියානු ද්රව ස්වභාවික ගෑස් (LNG) ප්රවාහනය කළ ‘Arctic Metagaz’ නෞකාව ප්රබල පිපිරීම් මාලාවකින් පසු මුහුදුබත් වී තිබේ. රුසියාව චෝදනා කරන්නේ යුක්රේනය විසින් ලිබියානු වෙරළේ සිට දියත් කරන ලද ‘මුහුදු ඩ්රෝන’ (Naval Drones) මඟින් මෙම ප්රහාරය එල්ල කර ඇති බවයි.
ලිබියානු වරාය බලධාරීන් පවසන පරිදි, ගෑස් ටොන් 62,000ක් රැගෙන යමින් තිබූ මෙම නෞකාව සර්ට් (Sirte) වරායට නාවික සැතපුම් 130ක් උතුරින් ගිලී ගොස් ඇත. යුක්රේන ආරක්ෂක අංශ මේ පිළිබඳව මෙතෙක් නිල ප්රකාශයක් නිකුත් කර නොමැති අතර, මෙම සිදුවීම රුසියානු බලශක්ති අපනයනයට මෙන්ම කලාපීය නාවික ආරක්ෂාවට ද දැඩි බලපෑමක් එල්ල කරනු ඇතැයි විචාරකයෝ පෙන්වා දෙති.
