පෙබරවාරි 05 – සිය මව සහ පියා අතර නිතර ඇතිවන ආරවුල් දරාගත නොහැකි වූ 22 හැවිරිදි තරුණියක්, ලිපියක් ලියා තබා දෙහිවල දුම්රිය ස්ථානය අසලදී දුම්රියට පැන සිය දිවි හානිකර ගෙන ඇති බව දෙහිවල පොලිසිය පවසයි. කැලණිය දිප්පිටිගොඩ ප්රදේශයේ පදිංචිව සිටි මෙම තරුණිය නිදහස් දිනය වූ ඊයේ (04) සිය යතුරුපැදියෙන් කැලණියේ සිට දෙහිවල දක්වා පැමිණ මෙම අවාසනාවන්ත තීරණය ගෙන තිබේ. පවුල් ආරවුල් හේතුවෙන් තමන් පීඩාවට පත්ව සිටි බව ඇය ලියා තැබූ ලිපියේ සඳහන් කර ඇති බව මූලික විමර්ශනවලදී අනාවරණය විය.
සිද්ධිය සම්බන්ධයෙන් වන හදිසි මරණ පරීක්ෂණය කළුබෝවිල දකුණු කොළඹ ශික්ෂණ රෝහලේදී පවත්වනු ලැබූ අතර, එහිදී තරුණිය විසින් ලියන ලද ලිපියද සාක්ෂි ලෙස ඉදිරිපත් කෙරිණි. දේහය පිළිබඳ පශ්චාත් මරණ පරීක්ෂණය අධිකරණ වෛද්ය නිලධාරීවරිය විසින් සිදුකළ අතර, දෙහිවල පොලිස් ස්ථානාධිපති ප්රධාන පොලිස් පරීක්ෂක අනුරාධ හේරත් මහතාගේ උපදෙස් මත වැඩිදුර විමර්ශන ක්රියාත්මකය. නිරපරාදේ තරුණ ජීවිතයක් මෙලෙස අහිමි වීම ප්රදේශවාසීන් අතර මහත් කම්පනයක් ඇති කිරීමට හේතු වී තිබේ.
