ශ්රී ලංකාව තුළ මහජන සාමය ආරක්ෂා කිරීම සහ අත්යවශ්ය සේවා පවත්වාගෙන යාම තහවුරු කිරීමේ අරමුණින් හදිසි නීති විධිවිධාන තවදුරටත් දීර්ඝ කිරීමට ජනාධිපතිවරයා පියවර ගෙන තිබේ. මේ සඳහා වන අතිවිශේෂ ගැසට් පත්රය ජනාධිපතිවරයාගේ අත්සනින් යුතුව නිකුත් කර ඇති අතර, එමගින් ආරක්ෂක අංශ වෙත විශේෂ බලතල හිමිවනු ඇත.
මහජන ආරක්ෂක පනතේ බලතල ප්රකාරව මෙම තීරණය ගෙන ඇත්තේ රටේ පවතින වත්මන් ආරක්ෂක තත්ත්වය සහ ජාතික ආරක්ෂාව පිළිබඳ කරුණු සැලකිල්ලට ගනිමින් බව වාර්තා වේ. මෙම නියෝගය ඉදිරි සති කිහිපය තුළ පාර්ලිමේන්තුවේ අනුමැතිය සඳහා ඉදිරිපත් කිරීමට ද නියමිතව ඇත.
