මාදුරු හෙවත් මහදුරු ආහාර පිසින විට වෑංජන රසවත් කිරීමට භාවිතා කරන ඖෂධීය ගුණ වලින් අනූන කුළුබඩු වර්ගයකි.මහදුරු කැරට් පවුලට (apiaceae) අයත් ශාක ප්‍රභේදයකි.මහදුරු වල ඔබේ සෞඛ්‍යයට වැදගත් ෆ්ලැවනොයිඩ් ගණයට අයත් ප්‍රබල ප්‍රතිඔක්සිකාරක රැසක් අඩංගුය.මේවා සිරුරේ සෛල හා පටක වලට හානි කරන විමුක්ත රැඩිකල නමැති රසායනයන් උදාසීන කර දුරුකිරීම සිදුකරයි.
එබැවින් මාදුරු වල පිළිකා තත්ව , ආසාදන, අකලට වියපත්වීම සහ වියපත්වන විට සිරුරේ හටගන්නා ස්නායු සම්බන්ධ රෝගාබාධ වැළැක්වීමට හැකි ප්‍රබල ගුණයක් පවතියි. මහදුරු වල සිරුරට අත්‍යාවශ්‍ය පෝෂක රැසක් පවතී. ඒවා අතර යකඩ, පොටෑසියම්, කැල්සියම්, තඹ, මැන්ගනීස්, සෙලේනියම්, සින්ක් හා මැග්නීසියම් බහුලව ඇත. ආහාර තන්තු එමෙන්ම විටමින් ඒ, විටමින් ඊ, විටමින් සී සහ විටමින් බී සංකීර්ණයට අයත් තයමින්, රයිබොෆ්ලැවින්, නියාසින් ආදි විටමින් වර්ග ද යහමින් අඩංගු ප්‍රභවයකි.
අඩි දෙකක් පමණ උසින් වැඩෙන මෙම ගසේ පිහා‍ටු වැනි පත්‍ර හටගන්නා අතර දුරු මෙන් බීජ ඵලදරයි.මහදුරු වල අඩංගු ආහාර තන්තු පෝෂක නිසා ආහාර ජීර්ණ මාර්ගයේ ක්‍රියාකාරීත්වයට හිතකර ප්‍රතිලාභ ලබාදෙමින් මලබද්ධය වැනි ගැටලු හටගැනීම් වළකයි.එමෙන්ම ආහාර බඩවැල් හරහා ක්‍රමවත්ව ගමන්කිරීම ප්‍රවර්ධනය කරයි.තන්තු ආහාර වල විෂ ද්‍රව්‍ය වලට බන්ධය වී බඩවැල් ශ්ලේෂ්මල පටල වා පිළිකා වර්ධනය වීම වළකිම් හොඳ පිළිකා නාශක ලෙස ක්‍රියාකරය්.
එමෙන්ම ඒවා මඟින් සිරුරේ අහිතකර කොලෙස්ටරෝල් මට්ටම අඩුකරවයි. මහදුරු ඇට වලින් සැකසූ තේ සහ තැම්බුම්සාරය පානය කිරීමෙන් ආන්ත්‍රික පරපෝෂිතයින් පළවා හැරීම, කැස්ස සමනය කිරීම, මූත්‍රා මාර්ග ආසාදන දුරුකිරීම, බ්‍රොන්කයිටිස්, සෙම්ප්‍රතිශ්‍යාව සහ උණ වැනි ගැටලු තත්වයන් වඩාත් හොඳින් සුවපත් කරවයි. එමෙන්ම මහදුරු ඇට අපේ සිරුරේ ප්‍රතිශක්තිය වර්ධනය වීම සඳහා ඉහළ මට්ටමේ ගුණයක් ලබාදේ. කිරි දෙන මවුවරුන් හට කිරි වැඩිවීමටත් රසායන චික්ත්සාවන්ට බඳුන්වන රෝගීන්ගේ ආහාර රුචිය වැඩිකිරීමටත් මහදුරු ඇට පරිභෝජනය නිර්දේශ කෙරේ.
මේ මහදුරු ඇට වලින් අපේ සිරුරට ලැබෙන තවත් ප්‍රතිලාභ කිහිපයක් ගැනය.
සුවනින්දකට උපකාර කරයි– මහදුරු ඇට වල ඉහළ අන්තර්ගතයක් ඇති මැග්නීසියම් මඟින් පුද්ගලයාට රාත්‍රියේ සුවනින්දකට උදව් විය හැකිය. එය නින්දේ ගුණාත්මකභාවය, කාලසීමාව සහ සන්සුන් භාවය වැඩි කිරීමට සෘජුවම සම්බන්ධ ඛනිජයකි. නින්දේ ගැටලු අවම කිරීම සහ අනිද්‍රාව හෙවත් ඉන්සොම්නියා රෝගය ඇතිවීම වැළැක්වීම සඳහා මහදුරු ඇට වල ඇති පරිවෘත්තිය ආධාරක ගුණ සමත්වේ.
අස්ථි සෞඛ්‍යය වැඩි දියුණු කළ හැකිය-අස්ථි වල ඛනිජ ඝනත්වය මෙන්ම සමස්ත අස්ථි සෞඛ්‍යය වැඩි දියුණු කිරීම සඳහා උපකාර කරන ප්‍රබල සින්ක් ප්‍රභවයක් මහදුරු ඇට වල ඇතුළත් වේ.
දිලීර නාශක සහ යීස්ට් විරෝධී ගුණ-මහදුරු ඇට වල දිලීර නාශක ගුණ ඇති බව හඳුනාගෙන තිබේ. මෙයින් ගම්‍ය වන්නේ මහදුරු ඇට වාතයට නිරාවරණය වීමෙන් නරක් වේ යැයි බියෙන් තොරව දීර්ඝ කාලයක් ගබඩා කළ හැකි බවයි. එපමණක් නොව, මහදුරු ඇට ස්වභාවයෙන්ම යීස්ට් විරෝධී බව ඔප්පු කර ඇත. එබැවින් යීස්ට් විරෝධී ගුණ අවශ්‍ය ආහාර සඳහා ඒවා භාවිතා කළ හැකිය. ඒ අනුව ඒවා දිගු කලක් කල් තබාගැනීමට හැකිවේ .
බඩකොරයට/ බඩේ අමාරු වලට පිළියමක්-කොලික් (colic) යනු අලුත උපන් බිලිඳුන්ට මෙන්ම ළදරුවන්ටද නිරන්තරයෙන් බලපාන නිශ්චිත නොවන රෝගයකි. මහදුරු ඇට වල සාමාන්‍ය භාවිතයක් වන්නේ බඩේ අමාරු තත්වයක් සුව කිරීමටයි. උතුරන කිරි වලට මහදුරු ඇට කිහිපයක් එක්කර මී පැණි ස්වල්පයක් සමඟ පානය කිරීම දරුවන්ගේ බඩේ අමාරු නැසීම සඳහා අත්බෙහෙතකි.
ආහාර අරුචිය සුව කරයි-නූතන ලෝකය තුළ අප මුහුණ දෙන ඉතා පොදු ගැටළුවක් වන්නේ පෝෂ්‍යදායී ආහාර පරිභෝජනය කිරීමට අපට ඇති නොහැකියාවයි- අකමැත්තයි. එළවළු, පලතුරු සහ ධාන්‍ය වර්ග වැනි ආහාර පරිභෝජනය කිරීමට බොහෝ අය රුචියක් නොදක්වති. එපමණක් නොව, අපගේ ආහාර රුචිය අඩකින් අඩු කරන දුම්පානය වැනි පුරුදු වලටද අපි සම්බන්ධ වී සිටිමු. මහදුරු ඇට වලින් සැකසූ තේ ආහාර අරුචිය සඳහා පිළියමක් වේ. කාලයක් තිස්සේ පානය කිරීමෙන් ඔබේ ආහාර රුචිය ක්‍රම ක්‍රමයෙන් වැඩෙන බව ඔබටම නිරික්ෂණය කල හැකි වනු ඇත.
ආහාර ජීර්ණ ආබාධ සුව කරයි-මහදුරු ඇට වලට ඇති චිකිත්සක ගුණාංග බොහෝය. ආමාශ ආන්ත්‍රයික මෙන්ම ආහාර ජීර්ණ ගැටළු සුව කරයි. ආමාශය සමනය කරවීමේ ගුණාංග නිසා ආමාශයේ ඇති වන තුවාල සුව කිරීමටද එය යොදා ගනී.
ලිංගික දුබලතා දුරුකරයි-ලිංගික ආබාධයකින් පෙළෙන අයට මෙම ගැටළු තුරන් කිරීම සඳහා මහදුරු ඇට ඉතා ගුණදායකය. එළඟිතෙල් ස්වල්පයක් සමඟ මහදුරු ඇට සහ සියඹලා යම් ප්‍රමාණයක් අඹරා හොඳින් මිශ්‍ර කර කිරි වීදුරුවකට එකතු කර මී පැණි ස්වල්පයක් දමා පානය කරන්න. උපරිම ලෙස භුක්ති විඳීමට ඔබට හැකි වේ.
කොලෙස්ටරෝල් අඩු කිරීමට හැකියාව ඇත-ශරීරයේ ඇති අහිතකර LDLකොලෙස්ටරෝල් අඩු කිරීම සඳහා තන්තු බහුල ආහාරවල සෞඛ්‍යමය බලපෑම් ද විද්‍යාත්මක පරීක්ෂණ මගින් සනාථ කර ඇත. එපමණක් නොව, තන්තු ද HDL කොලෙස්ටරෝල් ප්‍රමාණය වැඩි කිරීමට උපකාරී වේ. හෘද වාහිනී රෝග ඇතිවීමේ අවදානම අඩු කිරීමේදී මෙම කාර්යයන් ඉතා වැදගත් වේ.
පශු වෛද්‍ය ඖෂධයකි-සතුන් හට බලපාන රෝගාබාධ වැළැක්වීම සඳහා ලබා දෙන ඖෂධ රාශියක මහදුරු ඇට යොදාගෙන ඇති බව දක්නට ලැබේ. ඔසුසැල් වලින් ඒවා ලබා ගත හැකිය.
කැසිලි තත්වයන්, සමේ ගෙඩි සහ කුෂ්ට (රෑෂ්) සමනය කරයි-සමේ කැසිල්ල, ගෙඩි (විසප්පු) සහ කුෂ්ට තත්වයන් මතුවී ඇත්නම් ඒවා සුවපත් කරගැනීමට මහදුරු වල ඖෂධ ගුණ උපකාර කරයි. මහදුරු ඇට ඇල්මැරුණු වතුර මිශ්‍ර කර පේස්ට් එකක් ලෙස සකසා ආසාදිත සම මත ආලේප කරගන්න. එසේ නොමැතිනම් මහදුරු ඇට තැම්බූ වතුර සිසිල් වීමට හැර ගැටලු සහිත සම සෝදා පිරිසිදු කරගන්න. මෙය ඒවාට හොඳ විසඳුමක් වගේම කුරුලෑ ද දුරුකරයි.
අජීර්ණ සමනය කරයි
පපපලල-හෘදයාබාධයක රෝග ලක්ෂණ සඳහා ඔබ නිතරම වැරදියට හඳුනාගන්නා ආම්ලිකතාවය හෝ බඩපපුවේ දැවිල්ල තත්වයන් පවා සමනය කිරීමට මහදුරු ඇට යොදාගත හැකියි. එවැනි අවස්තාවල ඔබේ පපුවේ සහ උගුරේ වේදනාකාරි දැවිල්ල, උගුරට ඒම, රාම තෙල් පිටවීම් හෝ ඉක්කා යාමට පටන්ගැනීම අත්දැකිය හැකිය,. මේ සඳහා සරල පිළියමකි. උණුවතුරට මහදුරු ඇට ටිකක් දමා පානය කිරීම හෝ මුදවපු කිරි මේස හැන්දකට මහදුරු ඇට කිහිපයක් දමා ආහාරයට ගැනීම.
ආමාශයික-ආන්ත්‍රයික ගැටලු දුරුකිරීමට පෙපර්මින්ට් තෙල් බිංදු කිහිපයක් සමඟ මහදුරු ඇට කිහිපයක් ආහාරයට ගැනිම තවත් ගුණදායක පිළියමකි.
ඔක්කාරය හා වමනය සුව කරයි-ඔක්කාරය හා වමනය බඩවැල් ආසාදනය මෙන්ම අනෙකුත් ශාරීරික ආබාධවල අප්‍රසන්න රෝග ලක්ෂණයකි. මෙම රෝග ලක්ෂණ අඩු කර ගැනීම සඳහා සරල ක්‍රමයක් වන්නේ මහදුරු ඇට පරිභෝජනය කිරීමයි. ඉන් ඔබට හොඳ සහනයක් දැනෙනු ඇත.
ඔසප් කැක්කුම සහ බඩේ ගැටළු සුව කරයි-ඔසප් කැක්කුම මෙන්ම ආමාශ ආබාධ කාන්තාවන් අතර නිතර දක්නට ලැබේ. මහදුරු ඇට තෙල් ස්වල්පයක් රත්කර සිසිල් වන්නට හැර බඩේ වේදනාව දැනෙන ප්‍රදේශයේ ගල්වා සම්බාහනය කිරීමයි. තවත් ආදේශක පිළියමක් වන්නේ මහදුරු ඇට තෙල් ස්වල්පයක් දෙහි යුෂ වල මිශ්‍ර කර එයට ඇල්මැරුණු වතුර කුඩා ප්‍රමාණයක් එක්කර දිනකට දෙවරක් පානය කරන්න. හොඳ සුවයක් දැනේවි.
වියළි හා කසනසුලු හිස්කබලට ප්‍රයෝජනවත් ප්‍රතිකර්මයකි-කෙස්කලඹේ දුර්වලතා මගහරවා ගැනීමට නම් ඔබේ ආහාර වේලට මහදුරු ඇට එකතුකරගැනීමට අමතක නොකල යුතුය. මහදුරු ඇට සහ කෙසෙල් කැබලි කිහිපයක් අඹරා හිස්කබලේ අතුල්ලා මිනිත්තු 10 ක් පමණ සම්බාහනය කරන්න. වතුරෙන් සෝදා ෂැම්පු කරගන්න.
හෘද සෞඛ්‍යයට හිතකරය-මහදුරු ඇට හෘද මාංශ පේශි ශක්තිමත් කරයි, රුධිර පීඩනය අඩු කරයි (ඔබේ රුධිරය තුළ කොලෙස්ටරෝල් මට්ටමට අමතරව) සහ නහර ඝන වීම වළක්වා ගැනීමට උපකාරී වේ. මහදුරු ඇට තැම්බූ හෝ පෙ‍ඟෙන්නට හැර ලබාගත් වතුර පානය කරන්න
ප්‍රතිඔක්සිකාරක බහුලය -පෙර සඳහන් කලාක් මෙන් මහදුරු ඇට වල කැරොටින්, ලුටීන්, සීයැක්සැන්තින් සහ ක්‍රිප්ටොක්සැන්තින් අඩංගු ප්‍රබල ෆ්ලේවනොයිඩ් ප්‍රතිඔක්සිකාරක අඩංගු වේ. හානිකර විමුක්ත රැඩිකල තුරන් කිරීමට මෙන්ම පිළිකා, අකලට වයසට යාම සහ ආසාදන වලින් ශරීරය ආරක්ෂා කිරීමට මෙම සංයෝග විශ්මය ජනක බව අධ්‍යයනවලින් සොයාගෙන ඇත.
සමස්ත සෞඛ්‍යය වැඩි දියුණු කරයි-ඔබේ ප්‍රතිශක්තිකරණ පද්ධතිය වැඩිදියුණු කරන මහදුරු ඇට පරිභෝජනය කිරීමෙන් සමස්ත සෞඛ්‍යය වැඩි දියුණු කර ඇත. ප්‍රතිශක්තිකරණ පද්ධතිය යනු ශරීරයට මෙන්ම පද්ධතිවලටද ආසාදන මෙන්ම රෝග වැළැක්වීමේ යාන්ත්‍රණයයි.
මල බද්ධය සමනය කරන්න-මහදුරු ඇට වල සෞඛ්‍යය වැඩි දියුණු කිරීම සඳහා ඒවායේ ඉහළ තන්තු අන්තර්ගතය දායක වේ. සෑම බීජ 100 ක්ම ඔබට තන්තු ග්‍රෑම් 38 ක් සපයයි. මෙය මල බද්ධය විසඳීමට හොඳ පිළියමක්.
තුවාල වලට එය හොඳයි-විෂබීජ නාශකයක් ලෙස එය බැක්ටීරියා සහ දිලීර වර්ධනය වීම වළක්වයි තුවාල ආසාදනය. ඊට අමතරව, එය බොහෝ අභ්‍යන්තර ආසාදන සාර්ථකව සුව කරයි.
ස්ථූලතාවයටප්‍රතිකාරයකි-සාම්ප්‍රදායික වෛද්‍ය ක්‍රමයේදි මහදුරු අධික තරබාරුවට පිළියමක් ලෙස යොදාගැනේ.බර අඩු කර ගැනීමට සහාය වේ.මහදුරු ඇට නිස්සාරණයකින් සහභාගිවන්නන්ට බර අඩු කර ගැනීමට, BMI සහ ශරීර මේදය අඩු කර ගැනීමට හැකි බව පර්යේෂණවලින් පෙනී යයි. තරබාරු හෝ තරබාරු වූ ස්වේච්ඡා සේවිකාවන් 70 දෙනෙකු පිළිබඳව මෙම අධ්‍යයනය සිදු කරන ලදී. කාන්තාවන්ට දින 90 ක් තිස්සේ මහදුරු බීජ සාරය ලබාදෙමින් ප්‍රතිකාර කරන ලදී. ව්‍යායාම හා ආහාර වේලෙහි කිසිදු වෙනසක් සිදු නොවීය. අවසානයේදී, මහදුරු බීජ සාරය ලබාදුන් අයගේ රාත්තල් 6 කට වඩා අහිමි වීමක් නිරීක්ෂණය කල හැකි වූ බව ප්‍රතිඵල වල දක්වා තිබුණි. ශරීරයේ මේද ප්‍රතිශතය, BMI සහ මාංශ පේශි වැඩි වීම සැලකිය යුතු ලෙස වැඩිදියුණුව තිබුණි. .
කෙසේවෙතත් මහදුරු ඔබේ සිරුරේ රුධිර සීනි මට්ටම පහත හෙලිමේ ඉඩකඩ ඇති බැවින් දියවැඩියාවෙන් පෙළෙන රෝගීන් විශාල ප්‍රමාණ වලින් මහදුරු බීජ පරිභෝජනයට ගැනීමේදී ඉතා ප්‍රවේසම් විය යුතුය.එමෙන්ම පෙර සඳහන් කල පරිදි රුධිර සීනි මට්ටම් වලට බලපෑ හැකි බැවින් සැත්කම් වලට බඳුන් වීමට නියමිතව සිටියි නම් ඊට සති දෙකක පමණ කලකට කලින්වත් මහදුරු පරිභෝජනයෙන් වැළකිසිටිය යුතු බව සඳහන් වේ.
ගර්භණී සහ මවුකිරි දෙන කතුන් මහදුරු තෙල් පරිභෝජනයෙන් වැළකිය යුතුය.අතිරේක පෝෂක නිෂ්පාදන භාවිතා කරන්නේ නම් නිසි වෛද්‍ය උපදෙස් ලබාසිටීමට සැලකිලිමත්වන්න.
ස්තුතිය ජනක අමරනාත්.
උපුටා පළ කිරීම – සහේලි රත්නායක.
