ස්ථාන මාරුවීම් ලැබ සිටින විදුහල්පතිනියකගේ හිතුවක්කාරී පාලනය සහ ගුරු මණ්ඩලය අතර පවතින දැඩි මතගැටුම් හේතුවෙන් මහනුවර උසස් බාලිකා විදුහලේ හෙට (03) පැවැත්වීමට නියමිතව තිබූ වාර්ෂික ත්යාග ප්රදානෝත්සවය වහාම ක්රියාත්මක වන පරිදි අත්හිටුවීමට අධ්යාපන අමාත්යාංශය පියවර ගෙන තිබේ.
විදුහල්පතිනියට එරෙහිව මානව හිමිකම් කොමිසමට පැමිණිලි 08ක් ලැබී ඇති පසුබිමක, ඇයට අධ්යාපන අමාත්යාංශයේ නියෝජ්ය අධ්යක්ෂ ධූරයකට ස්ථාන මාරුවක් ලබා දී තිබුණද ඇය තවමත් එම තනතුරේ රැඳී සිටිමින් මෙම උත්සවය සංවිධානය කිරීමට උත්සාහ කර ඇත. මධ්යම පළාත් අධ්යාපන අධ්යක්ෂවරයා ඇතුළු බලධාරීන් ලිඛිතව දැනුම් දී තිබියදීත් ඇය මෙලෙස කටයුතු කිරීමට එරෙහිව ගුරු මණ්ඩලය විරෝධය පළ කිරීමත් සමඟ අමාත්යාංශය මෙම තීරණය ගෙන ඇති අතර, උත්සවය අවලංගු කළ බවට අද පස්වරුවේ ලැබුණු හදිසි පණිවිඩය හේතුවෙන් ඈත බැහැර සිට පැමිණි දෙමාපියන් සහ සිසුන් දැඩි අපහසුතාවයට පත්ව සිටිති.
