හිටපු ජනාධිපතිවරුන් සම්බන්ධයෙන් පමණක් නොව පුරවැසියන්‌ගේ ද ආරක්ෂාව සම්බන්ධයේන රජය වග කියන බව අමාත්‍ය වෛද්‍ය නලින්ද මහතා පවසා සිටිනවා.
ඔහු මෙලෙස පවසා ඇත්තේ කැබිනට් තීරණ දැනුම්දීමේ මාධ්‍ය සාකච්චාවේ දී මාධ්‍යවේදියෙකු නැගි පැනයකට පිලිතුරු දෙමිනි.
මාධ්‍යවේදියා විමසා සිටියේ හිටපු ජනපති මහින්ද රාජපක්ෂ ගේ හිමිකම් පනත අහෝසි වුවහොත් , ඔහුගේ ආරක්ෂාව සම්බන්දයෙන් ගැටලුවක් ඇති වුවහොත් ආණ්ඩුව එම වගකීම ගන්නේ කවුරුන්ද යන්නයි.
එහි දී අමාත්‍යවරයා පිළිතුරු දුන්නේ මෙලෙසයි
”මෙතනදී අපි කිසිම කෙනෙක් විශේෂයක් කරේ නැහැ කාටවත්. දැනට ජීවත්වන ජනාධිපතිවරු සහ ඔවුන්ගේ කාලත්‍රයින් සම්බන්ධයෙන් පොදුවේ තමයි තීන්දුව ගත්තේ. දැනට ජීවත්වන ජනාධිපතිවරු සහ ඔවුන්ගේ කාලත්‍රයින් සම්බන්ධයෙන් පොදුවේ තමයි තීන්දුව ගත්තේ. ජනාධිපති, හිටපු ජනාධිපතිවරු සම්බන්ධයෙන් පමණක් නොවෙයි. මේ රටේ පුරවැසියන් සම්බන්ධයෙන් ආරක්ෂාව සම්බන්ධ වගකීමක් රජයට පවතිනවා. ඒ සම්බන්ධයෙන් නිරන්තර ආරක්ෂක මණ්ඩලය තුළ සාකච්ඡා වෙනවා. බුද්ධි වාර්තා ඇතුළු ආරක්ෂක වාර්තා සැලකිල්ලට ගන්නවා. මේ හිටපු ජනාධිපතිවරු සම්බන්ධයෙනුත් විශේෂයෙන්ම ඒ ඒ අයගේ ආරක්ෂාව පිළිබඳව ඒ වාර්තා අධ්‍යන කරමින් තමයි තීන්දුව ගනු ලබන්නේ. ඒ වගේම මේ වනවිට හිටපු ජනාධිපතිවරයාගේ ආරක්ෂාව සම්බන්ධයෙන් අධිකරණ ලබාදීපු තීන්දුවකුත් තියෙනවා. ඉතින් මේ සියල්ල සැළකිල්ලට අරගෙන ,ගෝඨාභය රාජපක්ෂත් ඒ වෙලාවේ හිටපු ආරක්ෂක ලේකම්වරයා. ඉතින් මං හිතන්නේ නේද? අපි ඒ ඔක්කොම සැලකිල්ලට අරගෙන තමයි මේ ක්‍රියාත්මක කරන්නේ. අනිත් එක මම හිතනවා 1996දී ජේ. ආර්. ජයවර්ධන ජනාධිපතිවරයා ප්‍රමුඛ ඒ ආණ්ඩුව විසින් මේ පනත් කෙටුම්පත් සකස් කිරීමේදී විශ්‍රාම යන ජනාධිපතිවරුන්ගේ ආරක්ෂාව සම්බන්ධව සැලකිල්ලට ගන්න ඇති. ඒ නිසා තමයි ඔවුන් එවැනි ජනාධිපතිවරයෙකුට ලබා ලබා දිය යුතු ප්‍රතිපාදන පිළිබඳව පැහැදිලිවම මේ පනත් කෙටුම්පත් පනතේ අසූහය අංක හතර දරණ පනතේ සඳහන් කරලා තිබෙන්නේ.
