මේ වසරේ ගතවූ කාලය තුළ ජාතික මානසික සෞඛ්‍ය විද්‍යායතනය වෙත මානසික ගැටලු සම්බන්ධයෙන් දුරකථන ඇමතුම් 16,298 ක් ලැබී ඇති බව එම ආයතනය පවසයි.
ඉදිරිපත් කළ ගැටලු අතර ගෘහස්ථ හිංසන, සයිබර් අපරාධ, ලිංගික හිරිහැර, මත්ද්‍රව්‍ය සහ ඖෂධ සම්බන්ධ ගැටලු, ලිංගික සංක්‍රාන්ති ගැටලු සහ අධ්‍යාපන සම්බන්ධ ගැටලු ප්‍රධාන වෙයි.
ඇමතුම්වලින් වැඩිම ප්‍රමාණය ලැබී ඇත්තේ අගෝස්තු මස වන අතර, එය 2,569 ක් බවද සොයාගැනී ඇත.
මෙලෙස අන්තර්ජාලය ඔස්සේ සිදුවන බලපෑම් නිසා ඇතිවන මානසික ගැටලු විසඳීමට ජාතික මානසික සෞඛ්‍ය ආයතනය hithawathiya.com ආයතනය සමඟ එක්ව කටයුතු කර තිබේ.
තවද, වයස අවුරුදු 20 ට වැඩි පුද්ගලයන් මෙවැනි ගැටලු වලට වැඩි වශයෙන් මුහුණ දී ඇති අතර, අවුරුදු 20 ට අඩු තරුණ පිරිස වැඩි වශයෙන් WhatsApp (0755551926) මඟින් තම ගැටලු සම්බන්ධයෙන් විමසීම් සිදු කර තිබේ.
ආයතනය වැඩිදුරටත් කියා සිටියේ, කිසියම් පුද්ගලයකුට මානසික ගැටලු ඇත්නම් 1926 දුරකථන අංකයට ඇමතුමක් ලබා දිය හැකි අතර, කෙටි පණිවුඩයක් යොමු කිරීමේ හැකියාවත් ඇති බවයි.
