මැදපෙරදිග සහ බටහිර ආසියානු කලාපය තුළ සීඝ්රයෙන් වර්ධනය වෙමින් පවතින යුදමය වාතාවරණය පිළිබඳව ශ්රී ලංකාව සිය දැඩි කනස්සල්ල පළ කර සිටියි. නිවේදනයක් නිකුත් කරමින් විදේශ කටයුතු අමාත්යාංශය අවධාරණය කරන්නේ, සිවිල් ජනතාව සහ සිවිල් යටිතල පහසුකම් ඉලක්ක කර ගනිමින් එල්ල වන ඕනෑම ප්රහාරයක් දැඩි ලෙස හෙළා දකින බවයි. ජාත්යන්තර මානුෂීය නීතියට අනුව සියලු පාර්ශවයන් සිවිල් වැසියන්ගේ ආරක්ෂාව තහවුරු කිරීමට බැඳී සිටින බව ද එහි සඳහන් වේ.
ගෝලීය ආර්ථිකයට සහ ජාත්යන්තර වෙළඳාමට මෙම යුද්ධයෙන් එල්ල වන සෘජු බලපෑම මෙන්ම මතුව ඇති මානුෂීය අර්බුදය පිළිබඳව ශ්රී ලංකා රජය ඉතා සමීපව නිරීක්ෂණය කරමින් සිටින බව අමාත්යාංශය පවසයි. එක්සත් ජාතීන්ගේ ප්රඥප්තියට ගරු කරමින්, රාජ්යයන්ගේ ස්වෛරීභාවයට සහ භූමියට එල්ල වන ඕනෑම බලහත්කාරී ක්රියාවක් ශ්රී ලංකාව ප්රතික්ෂේප කරයි.
එබැවින්, කලාපීය සහ ගෝලීය සාමයට එල්ල වී ඇති මෙම තර්ජනය අවම කිරීම සඳහා සියලු පාර්ශවයන් උපරිම සංයමයකින් කටයුතු කළ යුතු බවත්, වහාම සාකච්ඡා මාර්ගයට අවතීර්ණ වී යුද උණුසුම සමනය කිරීමට (De-escalation) පියවර ගත යුතු බවත් විදේශ කටයුතු අමාත්යාංශය වැඩිදුරටත් ඉල්ලා සිටියි.
