පෙබරවාරි 06 – ඕස්ට්රේලියානු රජය විසින් පිරිනමනු ලබන කීර්තිමත් “ඕස්ට්රේලියානු සම්මාන” (Australia Awards) ශිෂ්යත්ව වැඩසටහනේ 2027 වර්ෂය සඳහා වන අයදුම්පත් දැන් විවෘතව පවතී. ශ්රී ලංකාවේ සංවර්ධන ප්රමුඛතා ශක්තිමත් කිරීමේ අරමුණින් පිරිනමන මෙම පූර්ණ ශිෂ්යත්ව වැඩසටහන හරහා සුදුසුකම් ලත් ශ්රී ලාංකිකයින්ට ඕස්ට්රේලියාවේ පිළිගත් විශ්වවිද්යාලයක පශ්චාත් උපාධි (Master’s Degree) හැදෑරීමේ අවස්ථාව හිමිවේ.
මෙම ශිෂ්යත්ව සඳහා අයදුම්පත් භාරගැනීම 2026 අප්රේල් 30 වනදායින් අවසන් වීමට නියමිතය. 2027 බඳවා ගැනීම් යටතේ දේශගුණික විපර්යාස, ආපදා අවදානම් අවම කිරීම, ආර්ථික සංවර්ධනය, අධ්යාපනය, යහපාලනය, සහ සමාජ සහජීවනය වැනි ක්ෂේත්රයන්ට විශේෂ ප්රමුඛතාවයක් ලබාදෙයි. තෝරාගනු ලබන සිසුන් සඳහා ගුවන් ගමන් ගාස්තු, සම්පූර්ණ උපකාරක ගාස්තු, ජීවන වියදම් දීමනා සහ සෞඛ්ය රක්ෂණය ඇතුළු ප්රතිලාභ රැසක් හිමිවන අතර, අධ්යයන අවසානයේ නැවත මෙරටට පැමිණ අවම වශයෙන් වසර දෙකක් සේවය කිරීම අනිවාර්ය වේ.
අයදුම්පත් සුදුසුකම් සහ අවශ්යතා:
– අයදුම්කරුවන් ශ්රී ලාංකික පුරවැසියන් විය යුතුය.
– අදාළ ක්ෂේත්රයේ අවම වශයෙන් වසර 3ක සේවා පළපුරුද්දක් තිබිය යුතුය.
– IELTS (Academic) අවම ලකුණු 6.5ක් (කිසිදු අංශයක් 6.0ට නොඅඩු) හෝ සමාන ඉංග්රීසි ප්රවීණතාවයක් තිබිය යුතුය. (ආබාධිත පුද්ගලයින් සහ ප්රමුඛතා දිස්ත්රික්කවල අයදුම්කරුවන්ට මීට වඩා ලිහිල් ප්රතිපත්තියක් ක්රියාත්මක වේ).
– සියලුම අයදුම්පත් OASIS මාර්ගගත පද්ධතිය හරහා ඉදිරිපත් කළ යුතුය.
