උතුරු චීනයට මෙම සති අන්තයේ තද සුළං තත්ත්වයක් ඇති විය හැකි බව බලධාරීහු අනතුරු අඟවනවා.
එම සුළං ප්‍රවාහය පැයට කිලෝමීටර් 150ක පමණ වේගයකින් හැමිය හැකි බව යි අපේක්ෂා කරන්නේ
එබැවින්, උතුරු චීනයේ ජනතාවට එළිමහන් කටයුතුවලින් වැළකී නිවෙස් තුළ රැඳී සිටින ලෙස බලධාරීහු උපදෙස් දී තිබෙනවා.
කිලෝග්‍රෑම් 50ට අඩු බරැති පුද්ගලයින් මෙම සුළං ප්‍රවාහයට හසුවුවහොත් පහසුවෙන් ගසාගෙන යා හැකි බව චීන බලධාරීහු අනතුරු අඟවා ඇත්තේ.
සාමාන්‍යයෙන් මෙම කාලපරිච්ඡේදයේදී මොංගෝලියාව හරහා උතුරු චීනය වෙත තද සුළං ගලා ඒම වාර්ෂිකව සිදුවන අතර, මෙවර එම සුළං ප්‍රවාහය වසර ගණනාවකට පසු අතිශය දැඩි විය හැකි බවට අනතුරු ඇඟවීමක් කර තිබෙනවා.
