කුරුණෑගල දිස්ත්‍රික් පාර්ලිමේන්තු මන්ත්‍රී නලින් බණ්ඩාර මහතා (ස.ජ.බ) පාර්ලිමේන්තුවේදී පැවසූවේ, රෝහල්වල බෙහෙත් හිඟව තිබුණද වෛද්‍යවරු රෝගීන්ට එම බෙහෙත් පිටින් ගන්නට ලියා නොදෙන බවයි.
ඔහු සඳහන් කළේ, වෛද්‍යවරු බෙහෙත් පිටින් ගන්නට ලියූ විට හිරේ යනවා යැයි බයවීම නිසා එසේ නොකර බවත් තිබෙන ඖෂධ ලබාදෙන බවත්ය.
ජාතික රෝහලේ වේදනා නාශක මෙන්ම “පුති ජීවක” බෙහෙත් ද බොහෝවිට නොමැති බවත් ඔහු කියා සිටියේය.
මන්ත්‍රීවරයා තවත් පැවසූවේ,
”මේ ආණ්ඩුව නිතරම කොරහේ කිඹුල්ලු දකිනවා. පෞද්ගලික ව්‍යවසායකයන් දෙස බලන්නේ වපර ඇහින් වැඩි ආදායම් ලබන ඇය ගැන බලන්නේ වපන ඇසින්. කෝප් එකෙන් අතීත දේවල් ගැන විතරක් නෙමෙයි වර්තමානෙ දේවල් ගැනත් හොයන්න ඕන.
වරාය අධිකාරියේ කන්ටේනර් 320 ගණනක් පිට කරල තිබුණා.මේ සම්බන්ධයෙන් ප්‍රශ්න කරන්න කෝප් එකට ගෙන්නවාද? අද පොලිසියේ තමන්ට උවමනා උදවිය තැන් තැන්වල ස්ථානගත කරමින් ඉන්නවා. පරණ කොම්යුනිස්ට් රටවල කළා වගේ අද මේවා කරන්න බෑ. අද රාජ්‍ය නිලධාරීන් වැඩ කරන්නේ නැහැ. කෝප් එක කරන්නේ රාජ්‍ය නිලධාරීන් අසරණ කරන එක. ජාතික රෝහලේ වේදනා නාශක නෑ. පුති ජීවක වලින් බාගෙට භාගයක් නෑ.වෙනදා බෙහෙත් නැත්නම් ෆාමසි වලින් ගන්න කියලා බෙහෙත් ලියනවා. අද වෛද්‍යවරු එහෙම ලියන්නේ නෑ. තියන බේතක් දීලා යවනවා.මොකද වෛද්‍යවරුන්ට හිරේ යන්න වෙන නිසා.රාජ්‍ය නිලධාරීන්ගේ කොදු කඩලා මේ රට ඉස්සරහට ගෙනියන්න බෑ. අල්ලස් හෝ දූෂණ කොමිෂන් සභාව අද දේශපාලනීකරණය වෙලා.ආණ්ඩුව තම දේශපාලන විරුද්ධවාදීන් මර්දනය කරන්න” යනුවෙනි.
