රජයේ මුද්‍රණාලයාධිපති තනතුරට පත් කිරීමට කැබිනට් අනුමැතිය ලැබී ඇත.
රජයේ මුද්‍රණාලයාධිපති වශයෙන් සේවය කරනු ලැබූ ජී.කේ.ඩී. ලියනගේ මහත්මියගේ සේවා කාලය 2024-12-24 දින අවසන් වීම මත පුරප්පාඩුව පවතින එකී තනතුරට සුදුසු නිලධාරියෙකු පත් කළ යුතුව ඇත.
දැනට ජාතික අයවැය දෙපාර්තමේන්තුවේ අතිරේක අධ්‍යක්ෂ ජනරාල්වරයෙකු වශයෙන් සේවය කරනු ලබන ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරි කේ.ජී.පී. පුෂ්ප කුමාර මහතා එම තනතුරට පත් කිරීම සඳහා සුදුසු බවට හඳුනාගනු ලැබ තිබේ.
ඒ අනුව ඔහු රජයේ මුද්‍රණාලයාධිපති තනතුරට පත් කිරීම පිණිස සෞඛ්‍ය සහ ජනමාධ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
