රජය මුදල් අච්චු ගහපු හැටි රවී දිගඅරියි

රජයකට මුදල් අච්චුගැසිම අවශ්‍ය වුණත් එය සිදු කල යුත්තේ වත්කමක් සමග බව පා. ම රවී කරුණානායක මහතා ඊයේ (19) පාර්ලිමේන්තුවේ දී පැවසුවා.

ඒ මහතා පැවසුවේ රට තුළ ශක්තිමත් ආර්ථික තත්වයක් නොමැති කල ගෙවීමට සිදුවන ණය සම්බන්ධයෙන් ගැටලුකාරී තත්වයන් ඇතිවන බවයි.

රටක් ලෙස ලබා ගෙන තිබෙන ණය නැවත ගෙවිය හැකි ආකාරය ගැන සොයා බැලිය යුතු බවත් රජයේ අදාළ ආයතන ඒ සම්බන්ධයෙන් සොයා බැලිය යුතු බවත් මන්ත්‍රීවරයා පැවසුවා.

ඔහු මෙම අදහස් පළ කළේ රජය මුදල් මුද්‍රණය කළ බව හෙළිදරව් වූ පසු ඒ සම්බන්ධයෙන් පාර්මේන්තුවේ පැවති විවාදයේ දීයි.

වැඩිදුරටත් අදහස් දැක්වූ රවී කරුණානායක මහතා,

රජයකට මුදල් මුද්‍රණය කිරීම අත්‍යවශ්‍ය වුණත් එය කළ යුත්තේ වත්කමක් සමගයි, ඒ සම්බන්ධයෙන් ප්‍රශ්න කරාම රජය මුදල් මුද්‍රණය කළේ නැතැයි කියනවා. ඒත් රජය මුදල් මුද්‍රණය කරලා තියෙනවා.

මේ සම්බන්ධයෙන් මන්ත්‍රීවරයා වැඩිදුරටත් කරුණු ඉදිරිපත් කර සිටියා.
මේ රජය 2024 වසරේ ඔක්තෝබර් මාසයේ සිට 2025 වසරේ අගෝස්තු දක්වා මුද්‍රණය කර ඇති මුදල් ප්‍රමාණය පාර්ලිමේන්තුවට හමුවට ඉදිරිපත් කළේ මේ අයුරින්.

Rs. Billion cash printing

2024
October 58.70
November 78.30
December 234.80

2025
January 117.40
February 104.70
March 233.90
April 154.20
May 33.60
June 210.30
July 151
Aug. 51