ඩොනල්ඩ් ට්‍රම්ප් රටවල් 12ක සංචාරකයන්ට ඇමෙරිකා එක්සත් ජනපදයට ඇතුල්වීම තහනම් කරමින් බදාදා (04) දිනයේ විශේෂ ප්‍රකාශනයකට අත්සම් තබමින් පවසා තිබේ.
ට්‍රම්ප් මෙම තීරණයට එළැඹ ඇත්තේ විදේශීය ත්‍රස්තවාදයෙන් සහ අනෙකුත් ආරක්ෂක තර්ජනවලින් රට ආරක්ෂා කරගැනිමේ අරමුණින් බව රෙයිටරස් පුවත් සේවය වාර්තා කර සිටියි.
නවතම සංචාරක තහනමෙන් බලපෑමට ලක් වූ රටවල් වන්නේ ඇෆ්ගනිස්ථානය, මියන්මාරය, චැඩ්, කොංගෝව, සමක ගිනියාව, එරිත්‍රියාව, හයිටි, ඉරානය, ලිබියාව, සෝමාලියාව, සූඩානය සහ යේමනයයි.
එමෙන්ම බුරුන්ඩි, කියුබාව, ලාඔ්සය, සියරා ලියොන්, ටෝගෝ. ටර්ක්මෙනිස්ථානය සහ වෙනිසියුලාව යන තවත් රටවල් හතක පුද්ගලයන්ට ඇමෙරිකාවට ඇතුල්වීම අර්ධ වශයෙන් සිමා කර තිබේ.
කෙසේ වෙතත් ට්‍රම්ප් X හි පළ කල විඩියෝවක සදහන් වන්නේ අපට හානියක් කිරීමට කැමති පුද්ගලයන්ට අපගේ රටට ඇතුළු වීමට අපි ඉඩ නොදෙන බවයි.
