රටවල් 13කට තාවකාලික වීසා තහනමක් පනවා ඇති බව විදෙස් මාධ්‍ය වාර්තා සදහන් කර තිබේ.
කෙසේ වෙතත් එය ජුනි මැද භාගය වන විට ඉවත් කළ හැකි බවත් සඳහන්.
මෙලෙස වීසා තහනම බලපෑ රටවල් වන්නේ පකිස්ථානය, ඉන්දියාව, බංගලාදේශය, ඊජිප්තුව, ඉන්දුනීසියාව, ඉරාකය, නයිජීරියාව, ජෝර්දානය, ඇල්ජීරියාව, සුඩානය, ඉතියෝපියාව, ටියුනීසියාව සහ යේමනය වේ.
මෙම සිද්ධියට සෞදි නිලධාරීන් පවසා සිටින්නේ ඇතැම් පුද්ගලයින් සෞදි අරාබියට ඇතුළු වීමට බහු-ප්‍රවේශ වීසා භාවිතා කර ඇති අතර පසුව හජ් සමය දක්වා නීති විරෝධී ලෙස රැඳී සිටින බවයි. එනිසා අධික තදබදය සහ ආරක්ෂක අවදානම් වලට එය හේතු වන බවත් සඳහන්වේ.
එමෙන්ම ව්‍යාපාරික හෝ පවුල් සංචාර වීසා මත ඇතුළු වන බොහෝ පුද්ගලයින් අවසරයකින් තොරව වැඩ කරමින්, වීසා කොන්දේසි උල්ලංඝණය කරමින් සහ ශ්‍රම වෙළඳපොලේ බාධා ඇති කරමින් සිටින බව වාර්තා වී ඇති අතර, මේ නිසා හජ් සමයේදී සංචාර නියාමනය කිරීමට සහ ආරක්ෂාව සහතික කිරීමට තාවකාලික වීසා අත්හිටුවීම අදහස් කරන බව සෞදි විදේශ කටයුතු අමාත්‍යාංශය ප්‍රකාශ කර තිබේ.
නව රෙගුලාසිවලට අනුකූල වන ලෙසත්, එසේ කිරීමට අපොහොසත් වීමෙන් දඬුවම් ලැබිය හැකි බවත් අනතුරු අඟවමින් බලධාරීන් විසින් වීසා අයැදුම්කරුවන්ගෙන් ඉල්ලා සිටියි.
