මල්වතුහිරිපිටිය පොලිස් වසමට අයත් රදාවාන, පුස්සැල්ලාවත්ත ප්රදේශයේ නිවසක් තුළ නිදා සිටි පුද්ගලයෙකුට පොරවකින් පහර දී ඝාතනය කිරීමේ පුවතක් ඊයේ (25) වාර්තා විය. පොලිස් මූලස්ථානය සඳහන් කරන්නේ මල්වතුහිරිපිටිය පොලිසියට ලැබුණු පණිවිඩයක් මත මේ පිළිබඳ විමර්ශන වහාම ආරම්භ කළ බවයි. මෙලෙස ඝාතනයට ලක්ව ඇත්තේ බණ්ඩාරගම ප්රදේශයේ පදිංචිව සිටි 43 හැවිරිදි වියේ පසුවන පුද්ගලයෙකි.
මූලික පොලිස් විමර්ශනවලදී අනාවරණය වී ඇත්තේ මරණකරු සහ සැකකරු අතර පැවති පෞද්ගලික ආරවුලක් මෙම ඝාතනයට හේතු වී ඇති බවයි. සිද්ධිය වූ අවස්ථාවේදී මරණකරු සැකකරුගේ නිවසේම වෙනත් කාමරයක නිදාගෙන සිට ඇති අතර, එම අවස්ථාවේදී සැකකරු විසින් පොරවකින් පහර දී මෙම ඝාතනය සිදු කර ඇති බවට තොරතුරු හෙළි වී තිබේ. ඝාතනය සම්බන්ධයෙන් රත්නපුර ප්රදේශයේ පදිංචි 50 හැවිරිදි පුද්ගලයෙකු මල්වතුහිරිපිටිය පොලිසිය මඟින් අත්අඩංගුවට ගෙන ඇත. සැකකරු අද දින අධිකරණයට ඉදිරිපත් කිරීමට නියමිත අතර මල්වතුහිරිපිටිය පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
