හිටපු ජනාධිපති, එක්සත් ජාතික පක්ෂ නායක රනිල් වික්‍රමසිංහ මහතා ඉන්දියාවේ සංචාරයක් සඳහා අද (27) දිනයේදී පිටව යාමට නියමිතව තිබේ.
මෙම සංචාරය තුළදී ඒ මහතා ඉන්දීය අග්‍රාමාත්‍ය නරේන්ද්‍ර මෝදි මහතාව දෙවතාවක් හමුවීමට නියමිත බව සඳහන්.
එමෙන්ම ඉන්දීය අග්‍රාමාත්‍යවරයා සමග රාත්‍රී භෝජන සංග්‍රහයකට සහභාගී වීමට ද රනිල් වික්‍රමසිංහ මහතාට ආරාධනා ලැබී ඇති බව ද සදහන්.
රාජ්‍ය තාන්ත්‍රිකයන්ගේ සහභාගීත්වයෙන් නව දිල්ලි නුවර භාරත මණ්ඩපයේදී සිකුරාදා (28) මෙම දේශනය පැවැත්වේන බව ආරංචි මාර්ග සදහන් කර සිටියි.
ඉන්දීය අග්‍රාමාත්‍ය නරේන්ද්‍ර මෝදි, කැනඩාවේ හිටපු අග්‍රාමාත්‍ය ස්ටීවන් හාපර්, ඔස්ට්‍රේලියාවේ හිටපු අග්‍රාමාත්‍ය ටෝනි ඇබට් මහත්වරුද මෙහි දේශන පවත්වති.
මෙහිදී දකුණු ආසියාව සම්බන්ධයෙන් වන දේශනය පවත්වනු ලබන්නේ හිටපු ජනාධිපති රනිල් වික්‍රමසිංහ මහතා විසිනි.
