රනිල් යනු අදටත් දර්ශනයක් තිබෙන මනුෂ්‍යයෙක් බවත් මහින්ද රාජපක්ෂලා වගේ නොමැති බවත් ලාල්කාන්ත පවසා සිටියි.
“රනිල්ගේ නියෝ ලිබරලිසම් කතාවනේ අපි කතා කර කර හිටියේ. ලාංකික සමාජය තුළ ඒ වෙනුවෙන් සැදී පැහැදී සිටින දේශපාලනඥයා තමයි රනිල්.රනිල් තමයි ඒක පිළිබද දැනුවත් මිනිහා. මහින්දට දහමක් නෑනේ. හැමෝටම උදේට සුබ පතනවා උපන්දිනවලට.මහින්ද සමාජය නඩත්තු කළා වෙන ක්‍රමයකින්.මෙලෝ දර්ශනයක් තිබ්බ කෙනෙක් නෙවෙයිනේ. හැබැයි රනිල්ට දර්ශනයක් තිබ්බා. තවමත් තියෙනවා.”
අපේ රටේ මූලධර්මය ගොඩනඟා ඇත්තේ රැකියා නොමැති අයට රජයේ රැකියා ලබා දීමට බව ද සඳහන් කළ ඇමති වරයා එය නැවැරදි නොවන බවත් එහෙයින් තමන් එය නොපිළිගන්නා බවත් ඇමතිවරයා අවධාරණය කරයි.
ඔහු පෙන්වා දෙන්නේ රජය මැදිහත් වී රටේ රැකියා අවස්ථා ගොඩනැගිය යුතු අතර සියලු දෙනා රජයේ රැකියා ඉල්ලන්නේ රට රස්සා නොමැති නිසා බවයි.
එහෙත් කෙතරම් පෙළපාළි උද්ඝෝෂණ කළ ද තොග වශයෙන් කිසිවෙකු රාජ්‍ය සේවයට බඳවා නොගන්නා බව ද ඇමති කේ.ඩී. ලාල්කාන්ත ප්‍රකාශ කරයි.
