ශ්‍රී ලංකා සම්භවයක් සහිත බ්‍රිතාන්‍ය ජාතිකයකු වන රනිල් මැල්කම් ජයවර්ධන මහතාට තෙවැනි චාල්ස් රජු විසින් නයිට් පදවියක් පිරිනමා ඇත.
රනිල් මැල්කම් ජයවර්ධන මහතා රාජ්‍ය සේවයට සහ දේශපාලනයට කළ සේවාව වෙනුවෙන් එම නයිට් පදවිය ඔහුට පිරිනැමිණි. 38 හැවිරිදි ශ්‍රීමත් රනිල් මැල්කම් ජයවර්ධන මහතා හිටපු කොන්සර්වටිව් පාර්ලිමේන්තු මන්ත්‍රීවරයෙක්ද වේ. ඔහු 2015 සිට 2024 වසර දක්වා ඊසානදිග හැම්ප්ෂයර් ප්‍රාන්තය නියෝජනය කළේය.
රාජ්‍ය සේවය සෑම විටම තමාට සහ තම පවුලට වැදගත් වූ බවත් එය තමාගේ ඇදහිල්ලක් බවත් ජයවර්ධන මහතා පැවැසුවේය. එය ප්‍රජාවට සහ රටට ආපසු ලබා දීමට අවස්ථාවක් බවද ඔහු ප්‍රකාශ කළේය.
