ජනාධිපතිවරයා කියන්නේ මහජනයාගේ භාරකරු. ඔහුට අත්තනෝමතික ආකාරයෙන් මහජන මුදල් වැයකරන්න හැකියාවක් තියනවද? රනිල් රට වැට්ටුවාද ? ආර්ථිකය වැට්ටුවාද ? . මහජනතාවගේ ජීවිත අඩාල වුණද?
අපි බලමු….
හිටපු ජනපති රනිල් විදෙස් සංචාර සදහා වසර දෙකකට රුපියල් බිලියන 1.27 වියදම් කරලා.
හිටපු ජනාධිපති රනිල් වික්‍රමසිංහ 2022 සිට 2024 දක්වා විදේශ සංචාර 23ක් සඳහා රුපියල් බිලියන 1.27ක වියදමක් දරලා.
හිටපු ජනාධිපති වික්‍රමසිංහ 2022දී විදේශ සංචාර 4ක්, 2023දී 14ක් සහ 2024දී තවත් සංචාර 5ක් සිදු කරලා.
2022දී රාජ්‍ය නිලධාරීන් 63ක්, 2023දී රාජ්‍ය නිලධාරීන් 252ක් සහ 2024දී රාජ්‍ය නිලධාරීන් 111ක් මෙම විදේශ සංචාරවලට සහභාගී වූ බව
රනිල් වික්‍රමසිංහ සහභාගී නොවූ නමුත් රාජ්‍ය නිලධාරීන් විසින් නියෝජනය කරන ලද එවැනි විදේශ සංචාර 19ක් සඳහා රුපියල් මිලියන 19.8ක මුළු වියදමක් දැරූ බව.
රනිල් රටේ සල්ලි නාස්ති කරමින් රට සවාරි ගහලා….
හිටපු ජනාධිපති රනිල් වික්‍රමසිංහ මහතා 2022 සිට 2024 දක්වා සිදු කළ විදේශ සංචාරවලින් රටට ලැබුණු ප්‍රතිලාභ අඩංගු විශාල ලේඛනයක් ආණ්ඩු පක්ෂයේ ප්‍රධාන සංවිධායක නලින්ද ජයතිස්ස මහතා පසුගිය දා පාර්ලිමේන්තුවේ දී සභාගත කෙරුණා.
මෙම සංචාරවලින් රටට ලැබුණු ප්‍රතිලාභ අඩංගු ලේඛනයේ කිසිදු තොරතුරක් සභාව හමුවේ ප්‍රකාශ කරේ නැහැ.
එසේ වුවානම් රනිල් රට ගිහින් මොනවාද කළේ කියා අසන අයට හොඳම පිළිතුරක් ලැබෙන්නට තිබුණා.
නමුත් මෙම සංචාර සඳහා රුපියල් බිලියන 1.27ක් වියදම් කර ඇති බවත් හෙළි කලා.
කෙසේ නමුත් විපක්ෂය හෝ එක්සත් ජාතික පක්ෂය හෝ වෙනත් කිසිවකුත් හෝ මෙම ලේඛනයේ අඩංගු කරුණු මහජනයාට විවෘත කරන්න කටයුතු සිද්ද කලේ නැහැ.
දැන් ඉතින් රනිල් රට ගිහින් මොනවද කරේ? තවමත් මේ රටේ ජනතාව කල්පනා කරන්නේ රනිල් රටේ සල්ලි නාස්ති කරමින් රට සවාරි ගැහුවා කියලා.
රටේ ආර්ථික අර්බුදයක් තිබිය දී රනිල් වික්‍රමසිංහ මහතා රට සවාරි ගිහින් රටට දැවැන්ත පාඩු සිද්ද කරා යැයි ආන්ඩුව තවමත් චෝදනා කරනවා.
රනිල් රට ගිහින් මොනවාද කළේ ?
රනිල් රට ගියේ රටේ ආර්ථික අර්බුදය විසඳා ගැනීමට විදේශයන්ගේ සහය ලබා ගැනීමට බව ආණ්ඩුවේ අය හිතා මතාම වසං කරපු කාරණයක්.
වත්මන් ජනාධිපති අනුර කුමාර දිසානායක මහතාත් පස් හය වතාවක් විදේශ ගත වුණත් ඇතැම් විදේශ සංචාරව වල අරමුණවත් පැහැදිලි නැහැ.
අඩුම තරමේ රටට ගෙන ආ ප්‍රතිලාභයන් මොනවාද කියලාවත් ආණ්ඩුවට බොරුවටවත් පවසා ගැනීමට හැකියාවක් නැහැ.
රනිල් රට ගියේ රටේ මුදල් කාබාසීනිය කර දැමීමට සහ රට සවාරි ගැසිමට යැයි රටේ මතයක් හැදීම හැර ආණ්ඩුවට පැවසිමට විනා මේ මොහොතේ වෙන කරන්නට දෙයකුත් නැත.
- අප්පු
