හිටපු ජනාධිපති රනිල් වික්‍රමසිංහ මහතාට සහාය පළ කරමින් විපක්ෂයේ දේශපාලන පක්ෂ හෙට (26) කොළඹදී විරෝධතාවක් සංවිධානය කර තිබෙනවා.
එජාපය සඳහන් කර සිටියේ මෙම විරෝධතාවය සඳහා පක්ෂ නායකයන්, පාර්ලිමේන්තු මන්ත්‍රීවරුන්, හිටපු මැති ඇමතිවරුන් ඇතුළු දිවයිනේ සෑම දිස්ත්‍රික්කයකින්ම දේශපාලන ක්‍රියාකාරීන් දහස් ගණනක් එක්වන බවයි.
එමෙන්ම එජාපය පවසන්නේ ආරක්ෂක විද්‍යාලය අසල සිට කොටුව දෙසට විරෝධතා පාගමනක් ද සංවිධානය කර ඇති බව යි.
‘මර්දනය නවතනු – ප්‍රජාතන්ත්‍රවාදයට අත නොතබනු’ යන තේමාව යටතේ, දකුණේ ජනතා විරෝධයක් අද (25) සවස 3:00ට ගාල්ල බස් නැවතුම්පළ ඉදිරිපිටදී පැවැත්වෙන බවද එක්සත් ජාතික පක්ෂය පවසනවා.
කෙසේ වෙතත් ඊයේ (24) දා රනිල් වික්‍රමසිංහ වෙත සෙත් පතා අනුරාධපුර රුවන්වැලි මහා සෑරදුන් අබියස ආශීර්වාද පූජාවක් ද පැවතියා.
