ඇමරිකානු රැප් ගායන ශිල්පීන් වන Pooh Shiesty සහ Big30 යන දෙදෙනා ප්රකට රැප් තරුවක් වන Gucci Mane පැහැරගැනීමේ සිද්ධියක් සම්බන්ධයෙන් චෝදනා ලබා අත්අඩංගුවට ගෙන තිබේ. පසුගිය සඳුදා සිදු වූ මෙම සිදුවීමත් සමඟ Pooh Shiesty ගේ පියා ඇතුළු පුද්ගලයින් අට දෙනෙකු FBI ආයතනය මගින් සිදු කළ පුළුල් විමර්ශනයකින් පසු අත්අඩංගුවට ගත් බව විදෙස් මාධ්ය වාර්තා කරයි.
පසුගිය වසරේ ඔක්තෝබර් මාසයේදී බන්ධනාගාරයෙන් නිදහස් වී නිවාස අඩස්සියේ පසුවූ Pooh Shiesty හට මෙම නව චෝදනා හමුවේ යළිත් බන්ධනාගාර ගත වීමට සිදු වනු ඇත. Big30 සහ Shiesty ගේ පියා වන ලොන්ට්රෙල් විලියම්ස් (Lontrell Williams) ඇතුළු අනෙකුත් පිරිසට ටෙක්සාස්හි උතුරු දිස්ත්රික්කයේදී නඩු පවරනු ඇති බවට දැනට වාර්තා වේ.
FBI ආයතනය සහ යුක්ති දෙපාර්තමේන්තුව (DOJ) එක්ව මෙම බරපතල පැහැරගැනීමේ චෝදනාව පිළිබඳව දැඩි විමර්ශනයක් ආරම්භ කර තිබේ. Pooh Shiesty මෙම්ෆිස්හිදී අත්අඩංගුවට ගෙන ඇති බවට විශ්වාස කළද, ඔහුගේ නවතම සිරකරු ඡායාරූප (Mugshots) මෙතෙක් ප්රසිද්ධියට පත් කර නොමැත. මෙම සිදුවීම ඇමරිකානු රැප් සංගීත ලෝකය තුළ දැඩි කම්පනයක් ඇති කිරීමට සමත් වී තිබේ.
