උණවටුන ප්රදේශයේ සංචාරයක නිරතව සිටි රුසියානු ජාතික කාන්තාවකගේ රුපියල් ලක්ෂ 3කට ආසන්න වටිනාකමකින් යුත් ජංගම දුරකථනයක් සොරාගත් සැකකරුවෙකු අත්අඩංගුවට ගැනීමට උණවටුන සංචාරක පොලිස් කාර්යාංශයේ නිලධාරීන් අද (01) සමත් විය. අදාළ විදේශීය කාන්තාව විසින් සිදු කරන ලද පැමිණිල්ලකට අනුව වහාම ක්රියාත්මක වූ පොලිසිය, විද්යාත්මක සහ ක්ෂේත්ර විමර්ශන මගින් සැකකරු හඳුනාගෙන අත්අඩංගුවට ගෙන තිබේ.
අත්අඩංගුවට ගන්නා අවස්ථාවේදී සොරකම් කරන ලද ජංගම දුරකථනය ද සැකකරු සන්තකයේ තිබී පොලිස් භාරයට ගෙන ඇත. ශ්රී ලංකාවේ සංචාරක කර්මාන්තයට හානි වන අයුරින් විදේශිකයන් ඉලක්ක කර ගනිමින් සිදුවන මෙවැනි අපරාධ මැඩලීම සඳහා සංචාරක පොලිසිය දැඩි අවධානයෙන් පසුවන බව උණවටුන සංචාරක පොලිස් කාර්යාංශය සඳහන් කළේය. සැකකරු සම්බන්ධයෙන් ඉදිරි නීතිමය කටයුතු සිදු කිරීමට ගාල්ල මහේස්ත්රාත් අධිකරණයට ඉදිරිපත් කිරීමට නියමිතය.
