රුසියාවේ කම්චැට්කා අර්ධද්වීපයට ඔබ්බෙන් 8.8 ක ප්‍රබල භූමිකම්පාවක් ඇති වීමත් සමග මීටර් 4ක් (අඩි 13)ක් උස සුනාමියක් ඇතිව තිබෙන බව විදෙස් මාධ්‍ය වාර්තා කර තිබෙනවා.
රුසියාවේ නැගෙනහිර වෙරළ තීරයේ 8.8ක ප්‍රබල භූකම්පන තත්ත්වයක් අද (30) උදෑසන හට ගෙන තිබුණා.
භූකම්පනයෙන් පසුව ජපානයේ වෙරළබඩ ප්‍රදේශ සඳහා ද සුනාමි අනතුරු ඇඟවීම් නිකුත් කර තිබෙනවා.
එරට කාලගුණ විද්‍යා ඒජන්සිය අනතුරු අඟවන්නේ මීටර 1ක් දක්වා රළ ඇති විය හැකි බවයි.
විදෙස් මාධ්‍ය වාර්තා සඳහන් කළේ රුසියාව, ජපානය, හවායි දූපත්, ඇමරිකානු සැමෝවා, කැලිෆෝනියා, පිලිපීනය, ඉන්දුනීසියාව ඇතුළු රටවල් ඇතුළු නගර කිහිපයක් සඳහා මේ වන විට සුනාමි අනතුරු ඇඟවීම් නිකුත් කර තිබෙන බවයි.
