දශක කිහිපයකින් රුසියාව මුහුණ දෙන දරුණුතම ශ්රම අර්බුදය හමුවේ, සිය සේවා බලකාය පුළුල් කර ගැනීම සඳහා ශ්රී ලංකාව සහ ඉන්දියාව ඇතුළු දකුණු ආසියානු රටවලින් ශ්රමිකයන් බඳවා ගැනීමට රුසියාව පියවර ගනිමින් සිටියි. යුක්රේන යුද්ධය සහ එරට ජනගහන ව්යුහයේ වෙනස්වීම් හේතුවෙන් ඇති වී තිබෙන මෙම හිඟය පියවීමට දශකයේ අවසානය වන විට තවත් ශ්රමිකයන් මිලියන 11ක් අවශ්ය බව රුසියාව ඇස්තමේන්තු කර ඇත. මීට පෙර මධ්යම ආසියානු රටවලින් පැමිණි සංක්රමණිකයන් මත රඳා සිටි රුසියාව, දැන් ඉන්දියාව, බංග්ලාදේශය, ශ්රී ලංකාව සහ මියන්මාරය වැනි රටවල් දෙසට සිය අවධානය යොමු කර තිබේ.
රුසියානු ජනාධිපති ව්ලැඩිමීර් පූටින්ගේ මෑතකාලීන ඉන්දීය සංචාරයේදී තාවකාලික ශ්රම සංක්රමණය පහසු කිරීම සඳහා ගිවිසුම් අත්සන් කර ඇති අතර, 2021 වසරේදී ඉන්දියානුවන්ට නිකුත් කළ සේවා බලපත්ර සංඛ්යාව 5,000 සිට 2025 වන විට 56,000 දක්වා කැපී පෙනෙන ලෙස ඉහළ ගොස් ඇත. වෑල්ඩින් කරුවන්, ඉදිකිරීම් සේවකයන්, හෝටල් සේවකයන් සහ නාගරික සේවා සැපයීම සඳහා මෙලෙස ශ්රමිකයන් බඳවා ගන්නා අතර, ශ්රී ලංකාවෙන් සහ මියන්මාරයෙන් ද ශ්රමිකයන් ලබා ගැනීමට බඳවා ගැනීමේ නියෝජිතායතන කටයුතු කරමින් සිටියි. දේශීය සේවකයන්ට වඩා අඩු වැටුපකට ආසියානු ශ්රමිකයන් ලබා ගත හැකි වීම ද රුසියානු සමාගම් මෙලෙස විදෙස් ශ්රමිකයන් කෙරෙහි උනන්දු වීමට තවත් හේතුවක් වී තිබේ.
