වැලිගම ප්රාදේශීය සභාවේ නව සභාපතිවරයා තේරී පත් කර ගැනීම සඳහා අද (02) පැවැති ඡන්ද විමසීමේදී ජාතික ජනබලවේගය නියෝජනය කළ චින්තක හේවාපතිරණ මහතා තේරී පත් විය. ඉතා තියුණු තරඟයකින් අනතුරුව පැවැති මෙම ඡන්ද විමසීමේදී චින්තක හේවාපතිරණ මහතාට පක්ෂව ඡන්ද 22ක් හිමි වූ අතර, විපක්ෂයට හිමි වූයේ ඡන්ද 21ක් පමණි. ඒ අනුව වැඩි ඡන්ද 01කින් වැලිගම ප්රාදේශීය සභාවේ බලය තහවුරු කර ගැනීමට ජාතික ජනබලවේගය සමත්ව තිබේ.
හිටපු සභාපති ලසන්ත වික්රමසේකර මහතා ඉකුත් ඔක්තෝබර් 22 වැනිදා සභාපති නිල මැදිරිය තුළදීම වෙඩි තබා ඝාතනය කිරීමත් සමඟ මෙම ධුරය හිස්ව පැවතිණි. මාස කිහිපයක් පුරා පැවති එම පුරප්පාඩුව අද දින පැවැති මෙම නිලවරණයෙන් සම්පූර්ණ විය. නව සභාපතිවරයා පත්වීමත් සමඟ ප්රදේශයේ සංවර්ධන කටයුතු යළි කඩිනමින් ආරම්භ වනු ඇතැයි ජනතාව අපේක්ෂා කරන අතර, සභාව අවට අද දිනයේ විශේෂ ආරක්ෂක වැඩපිළිවෙළක් ද ක්රියාත්මක කර තිබිණි.
